Last Update :
07 Mar 2025
ફિલ્મ જગતમાં બહુ ઓછા સ્ટાર્સ હોય છે જેમને ઈન્ડસ્ટ્રીમાં પગ મૂકતાની સાથે જ લીડ રોલ મળવા લાગે છે. આજના પ્રખ્યાત કલાકારોએ પણ પોતાની કારકિર્દીમાં સાઈડ રોલ ભજવ્યા છે. આ સ્ટાર્સની યાદીમાં અમિતાભ બચ્ચનનું નામ પણ સામેલ છે. ફિલ્મ 'ઝંજીર' ની સફળતા પહેલા, તેઓ ઘણી ફિલ્મોમાં નાના પાત્રોમાં જોવા મળ્યા હતા.
GSTVની એપ્લિકેશન ડાઉનલોડ કરો
આ ફિલ્મોમાં નિભાવ્યો સપોર્ટિંગ રોલ
અમિતાભ બચ્ચને તેમના કરિયરમાં ઘણી હિટ ફિલ્મોમાં કામ કર્યું છે, પરંતુ જ્યારે તેઓ અભિનયની દુનિયામાં નવા હતા, ત્યારે તેઓ ઘણા લોકપ્રિય સ્ટાર્સની ફિલ્મોમાં સાઈડ રોલ તરીકે પણ જોવા મળ્યા હતા. તમને જણાવી દઈએ કે બિગ બીએ રાજેશ ખન્ના, મહેમૂદ, નવીન નિશ્ચોલ જેવા કલાકારોની ફિલ્મોમાં સપોર્ટિંગ એક્ટર તરીકે કામ કર્યું છે.
'સાત હિન્દુસ્તાની'
બોલિવૂડના મહાનાયક અમિતાભ બચ્ચને પોતાની અભિનય કારકિર્દીની શરૂઆત ફિલ્મ 'સાત હિન્દુસ્તાની' થી કરી હતી. ખાસ વાત એ છે કે આ ફિલ્મમાં તેમણે મુખ્ય ભૂમિકા નહીં પણ એક નાનું પાત્ર ભજવ્યું હતું. તમને જણાવી દઈએ કે આ ફિલ્મ દ્વારા તેઓ લોકોમાં ખાસ ઓળખ નહતા મેળવી શક્યા.
'આનંદ'
અમિતાભ બચ્ચને 1971માં આવેલી ફિલ્મ 'આનંદ' માં પણ કામ કર્યું હતું. આમાં રાજેશ ખન્ના મુખ્ય હીરો હતા અને બિગ બીએ ડો. ભાસ્કરની ભૂમિકા ભજવી હતી. આ ફિલ્મ સુપરહિટ સાબિત થઈ અને આ માટે અમિતાભને બેસ્ટ સપોર્ટિંગ રોલ માટેનો પહેલો ફિલ્મફેર એવોર્ડ મળ્યો.
'પરવાના' માં નિભાવ્યો નેગેટિવ રોલ
પોતાની કારકિર્દીની શરૂઆતમાં અમિતાભ બચ્ચને નેગેટિવ રોલ પણ ભજવ્યો હતો. આમાં ફિલ્મ 'પરવાના'નું નામ પણ શામેલ છે. ફિલ્મમાં અભિનેતા નવીન નિશ્ચોલ મુખ્ય ભૂમિકામાં હતા અને અમિતાભ સપોર્ટિંગ એક્ટર તરીકે જોવા મળ્યા હતા.
'રેશમા અને શેરા'
અમિતાભ બચ્ચને સુનીલ દત્ત અને વહીદા રહેમાન અભિનીત ફિલ્મ 'રેશમા ઔર શેરા'માં પણ એક નાનો રોલ ભજવ્યો હતો. આ ફિલ્મ બોક્સ ઓફિસ પર ખૂબ જ ફ્લોપ સાબિત થઈ હતી. આ કારણે ફિલ્મ નિર્માતા સુનીલ દત્તને મોટું નુકસાન સહન કરવું પડ્યું.
'બોમ્બે ટૂ ગોવા'
આ એક હળવી ફિલ્મ હતી જેમાં અમિતાભ બચ્ચનનું પાત્ર મહત્ત્વપૂર્ણ હતું. જોકે, આમાં પણ તેમણે મુખ્ય ભૂમિકા નહતી ભજવી. ફિલ્મ વિશે વાત કરીએ તો, તેના ગીતો અને વાર્તા સિનેમા પ્રેમીઓને ખૂબ ગમ્યા હતા. આ ફિલ્મમાં અમિતાભની સામે અભિનેત્રી અરુણા ઈરાની હતા.
