Last Update :
15 May 2025
રાજકુમાર રાવ અને વામિકા ગબ્બીની ફિલ્મ 'ભૂલ ચૂક માફ' (Bhool Chuk Maaf) હવે OTTને બદલે થિયેટરમાં જ રિલીઝ થશે. ફિલ્મના મેકર્સ વિરુદ્ધ PVR દ્વારા દાખલ કરાયેલા કેસની સુનાવણી કરતી વખતે, બોમ્બે હાઈકોર્ટે PVRની તરફેણમાં ચુકાદો આપ્યો છે. આવી સ્થિતિમાં, હવે ફિલ્મ 'ભૂલ ચૂક માફ' (Bhool Chuk Maaf) OTT પર નહીં પરંતુ મોટા પડદા પર આવશે.
GSTVની એપ્લિકેશન ડાઉનલોડ કરો
એક અહેવાલ મુજબ, મેડોક ફિલ્મ્સ વિરુદ્ધ PVR Inox સિનેમા કેસમાં કોર્ટે પોતાનો આદેશ આપ્યો છે. રાજકુમાર રાવ અને વામિકા ગબ્બી અભિનીત ફિલ્મ 'ભૂલ ચૂક માફ' (Bhool Chuk Maaf) હવે 23 મે, 2025ના રોજ થિયેટરમાં રિલીઝ થશે. મેડોક ફિલ્મ્સ 15 મેથી તેનું માર્કેટિંગ અભિયાન ફરી શરૂ કરવાની યોજના બનાવી રહી છે.
શું છે આખો મામલો?
રાજકુમાર રાવ અને વામિકા ગબ્બી સ્ટારર ફિલ્મ 'ભૂલ ચૂક માફ' (Bhool Chuk Maaf) અગાઉ 9 મેના રોજ રિલીઝ થવાની હતી. જોકે, ભારત અને પાકિસ્તાન વચ્ચે ચાલી રહેલા તણાવને કારણે, મેકર્સે ફિલ્મને OTT પ્લેટફોર્મ પર રિલીઝ કરવાનો નિર્ણય લીધો હતો. જે મુજબ, આ ફિલ્મ 16 મે, 2025ના રોજ પ્રાઈમ વીડિયો પર સ્ટ્રીમ થવાની હતી. પરંતુ PVR એ 'ભૂલ ચૂક માફ' (Bhool Chuk Maaf) ના પ્રોડક્શન હાઉસ મેડોક ફિલ્મ્સ સામે 60 કરોડ રૂપિયાનો કેસ દાખલ કર્યો હતો.
'ભૂલ ચૂક માફ' OTT પર ક્યારે આવશે?
PVR એ તેની અરજીમાં દાવો કર્યો હતો કે 'ભૂલ ચૂક માફ' (Bhool Chuk Maaf) થિયેટરને બદલે ઓટીટી પર રિલીઝ કરવાના અચાનક નિર્ણયથી PVRને ભારે નુકસાન થયું છે. આવી સ્થિતિમાં, બોમ્બે હાઈકોર્ટે કેસની સુનાવણી કરી હતી અને ફિલ્મના OTT રિલીઝ પર પણ પ્રતિબંધ મૂક્યો હતો. કોર્ટે કહ્યું કે મેકર્સ થિયેટરમાં રિલીઝ થયાના 6 કે 8 અઠવાડિયા પછી જ OTT પર ફિલ્મ સ્ટ્રીમ કરી શકે છે. જોકે, હવે કોર્ટે પોતાના નિર્ણયમાં કહ્યું છે કે 'ભૂલ ચૂક માફ' (Bhool Chuk Maaf) 23 મેના રોજ મોટા પડદા પર રિલીઝ થયાના બે અઠવાડિયા પછી, 6 જૂન, 2025ના રોજ પ્રાઈમ વીડિયો પર સ્ટ્રીમ કરી શકાશે.
