Last Update :
07 Apr 2025
Ground Zero: તેજસ પ્રભા વિજય દેઓસ્કર દ્વારા દિગ્દર્શિત, 'ગ્રાઉન્ડ ઝીરો' (Ground Zero) કાશ્મીરમાં સેટ કરેલી એક ઈમોશનલ એક્શન ફિલ્મ છે છે. ઈમરાન હાશ્મી અને સાઈ તામ્હણકર અભિનીત ફિલ્મ 'ગ્રાઉન્ડ ઝીરો' (Ground Zero) યુદ્ધના વાતાવરણમાં સેટ હિંમત અને બલિદાનની એક વાર્તા છે. છેલ્લા કેટલાક દિવસોથી, મેકર્સ પોસ્ટર અને ટીઝર દ્વારા સતત સસ્પેન્સ વધારી રહ્યા હતા, અને હવે આખરે ફિલ્મનું ટ્રેલર પણ રિલીઝ થઈ ગયું છે. 'ગ્રાઉન્ડ ઝીરો' એક વાસ્તવિક મિશનથી પ્રેરિત ફિલ્મ છે, જેને 2015માં છેલ્લા 50 વર્ષમાં BSFના શ્રેષ્ઠ ઓપરેશન તરીકે સન્માનિત કરવામાં આવ્યું હતું.
GSTVની એપ્લિકેશન ડાઉનલોડ કરો
દમદાર છે 'ગ્રાઉન્ડ ઝીરો' નું ટ્રેલર
'ગ્રાઉન્ડ ઝીરો' (Ground Zero) નું ટ્રેલર ખૂબ જ દમદાર છે. ફિલ્મમાં, ઈમરાન હાશ્મી આ વખતે વાસ્તવિક જીવનના BSF કમાન્ડન્ટ નરેન્દ્ર નાથ ધર દુબેની ભૂમિકામાં સંપૂર્ણપણે અલગ અંદાજ જોવા મળે છે. ટ્રેલરમાં તેનો એક ડાયલોગ છે "અબ પ્રહાર હોગા", જે સ્પષ્ટપણે કહે છે કે વાર્તા હવે કયો વળાંક લેવા જઈ રહી છે, એક સૈનિક જે હવે વધુ સહન નહીં કરે પણ યોગ્ય જવાબ આપશે.
'ગ્રાઉન્ડ ઝીરો' (Ground Zero) નું ટ્રેલર જબરદસ્ત એક્શન અને લાગણીઓથી ભરેલું છે. આમાં કાશ્મીરની પરિસ્થિતિને ખૂબ જ અસરકારક રીતે દર્શાવવામાં આવી છે. બેકગ્રાઉન્ડ મ્યુઝિક પણ સારું છે, જે આખા ટ્રેલરના તણાવ અને મિશનની ગંભીરતાને વધારે છે. ઈમરાન હાશ્મી એક દમદાર BSF અધિકારીની ભૂમિકામાં સંપૂર્ણ રીતે ફિટ થાય છે, અને સાઈ તામ્હણકરનું પાત્ર ઈમોશનલ કનેક્શન ધરાવે છે. ટ્રેલર પૂરું થયા પછી પણ, જે વસ્તુ હૃદય અને મનમાં ગુંજતી રહે છે તે છે તે અજાણ્યા દુશ્મનનો ઠંડો પણ ડરામણો અવાજ, એક એવો ખતરો જે દેખાતો નથી પણ દરેક ક્ષણે અનુભવાય છે. આ જ વાત વાર્તાને વધુ રસપ્રદ અને રહસ્યમય બનાવે છે.
'ગ્રાઉન્ડ ઝીરો' ક્યારે રિલીઝ થશે?
'ગ્રાઉન્ડ ઝીરો' (Ground Zero) એક્સેલ એન્ટરટેઈનમેન્ટનો પ્રોજેક્ટ છે. પીરિયડ વોર ફિલ્મનું નિર્દેશન તેજસ પ્રભા વિજય દેઉસ્કરે કર્યું છે, જ્યારે ફિલ્મ સંચિત ગુપ્તા અને પ્રિયદર્શી શ્રીવાસ્તવ દ્વારા લખવામાં આવી છે. રિતેશ સિધવાની અને ફરહાન અખ્તર દ્વારા નિર્મિત, 'ગ્રાઉન્ડ ઝીરો' માં સાઈ તામ્હણકર, ઝોયા હુસૈન, મુકેશ તિવારી, દીપક પરમેશ, લલિત પ્રભાકર, રોકી રૈના અને રાહુલ વોહરા પણ છે. તમને જણાવી દઈએ કે 'ગ્રાઉન્ડ ઝીરો' 25 એપ્રિલ 2025 ના રોજ થિયેટરમાં રિલીઝ થવા જઈ રહી છે.
