કાનૂની મુશ્કેલીમાં ફસાઈ શકે છે હની સિંહ, 'મેનિએક' ગીત વિરુદ્ધ કોર્ટ પહોંચી અભિનેત્રી નીતુ ચંદ્રા

સિંગર-રેપર હની સિંહનું નવું ગીત 'મેનિએક' ઈન્ટરનેટ પર ધૂમ મચાવી રહ્યું છે. હવે આ ગીત પર પણ પ્રશ્નો ઉભા થઈ રહ્યા છે. અભિનેત્રી નીતુ ચંદ્રાએ હવે હની સિંહના આ ગીત સામે કોર્ટનો સંપર્ક કર્યો છે અને આ ગીત પર પ્રતિબંધ મૂકવાની માંગ પણ કરી છે. નીતુ ચંદ્રાએ અશ્લીલ ગીતો પર પ્રતિબંધ મૂકવા માટે પટના હાઈકોર્ટમાં પીઆઈએલ દાખલ કરી છે. હાઈકોર્ટે આ કેસમાં સુનાવણી આજે એટલે કે 7 માર્ચે નક્કી કરી છે.

GSTVની એપ્લિકેશન ડાઉનલોડ કરો

   

નીતુ ચંદ્રાએ પોતાની અરજીમાં હની સિંહ ઉર્ફે હિર્દેશ સિંહ દ્વારા રચિત ગીત 'મેનિએક' ને અશ્લીલ ગણાવ્યું છે. તેનું કહેવું છે કે આ ગીતમાં મહિલાઓની છબીને અશ્લીલ રીતે રજૂ કરવામાં આવી છે. નીતુ ચંદ્રા માને છે કે ગીતમાં દ્વિઅર્થી શબ્દોનો ઉપયોગ ગીતમાં અશ્લીલતા વધારે છે. આવા ગીતો બાળકો, સ્ત્રીઓ અને સમાજ પર નકારાત્મક અસર કરે છે. ભોજપુરી ભાષાના શબ્દોનો ઉપયોગ કરીને મહિલાઓને ખૂબ જ ખરાબ રીતે દર્શાવવામાં આવી છે.

અન્ય ગીતો પર પણ નિશાન સાધ્યું

હની સિંહના ગીત ઉપરાંત, નીતુ ચંદ્રાની અરજીમાં ભોજપુરી ગીતોને પણ નિશાન બનાવવામાં આવ્યા છે. તેણે કહ્યું કે ભોજપુરી ગીતોમાં મહિલાઓ માટે અશ્લીલ અને ખોટા શબ્દોનો ખુલ્લેઆમ ઉપયોગ થઈ રહ્યો છે. આ ગીતો પર કોઈપણ પ્રકારની કાર્યવાહી નથી કરવામાં આવતી. આ ગીતો માટે કોઈ માર્ગદર્શિકા પણ બનાવવામાં નથી આવી. નીતુ ચંદ્રાએ આવા ગીતો સામે કાનૂની કાર્યવાહીની માંગ કરી છે. પટણા હાઈકોર્ટે આ કેસની સુનાવણી 7મી તારીખે નક્કી કરી છે.

આ ગીતને 70 મિલિયનથી વધુ વ્યૂઝ મળ્યા છે

એશા ગુપ્તા પણ હની સિંહના ગીત 'મેનિએક' માં જોવા મળે છે. ગીતમાં તેનો ખૂબ જ ગ્લેમરસ અંદાજ જોવા મળે છે. 'મેનિએક' રિલીઝ થયાને 12 દિવસથી થઈ ગયા છે. હની સિંહના આ ગીતને યુટ્યુબ પર અત્યાર સુધીમાં 70 મિલિયનથી વધુ વખત જોવામાં આવ્યું છે.