Last Update :
04 Apr 2025
પ્રખ્યાત અભિનેતા મનોજ કુમારનું મુંબઈમાં નિધન થયું છે. તેમણે 87 વર્ષની ઉંમરે મુંબઈની કોકિલાબેન હોસ્પિટલમાં અંતિમ શ્વાસ લીધા હતા. મનોજ કુમારના અંતિમ સંસ્કાર આવતીકાલે બપોરે 12 વાગ્યે મુંબઈના વિલે પાર્લે સ્મશાનગૃહમાં કરવામાં આવશે. મનોજ કુમાર એવા દિગ્ગજ હીરો રહ્યા છે જેમણે હિન્દી સિનેમાને ઘણા રત્નો આપ્યા અને હંમેશા પોતાના સિદ્ધાંતો પર અડગ રહ્યા. તેમણે પડદા પર ઘણા મહાન પાત્રો ભજવ્યા. મનોજ કુમારે પોતાની ફિલ્મો દ્વારા લોકોમાં દેશભક્તિની ભાવના જાગૃત કરી અને તેઓ દેશભક્તિ પર આધારિત ફિલ્મો બનાવનારા પહેલા બોલિવૂડ અભિનેતા બન્યા.
GSTVની એપ્લિકેશન ડાઉનલોડ કરો
દેશભક્તિ ફિલ્મો માટે ભારત કુમાર તરીકે પ્રખ્યાત મનોજ કુમારના નિધનથી બોલિવૂડ શોકમાં છે. વડાપ્રધાન નરેન્દ્ર મોદીએ પણ દુઃખ વ્યક્ત કર્યું છે. તેમણે પોતાની પોસ્ટમાં લખ્યું કે મનોજ કુમાર ભારતીય સિનેમાના પ્રતીક હતા.
મનોજ કુમારે પોતાનું નામ કેમ બદલ્યું?
મનોજ કુમારનો જન્મ 24 જુલાઈ 1937ના રોજ પાકિસ્તાનના એબટાબાદમાં થયો હતો. ભાગલા પછી તેમનો પરિવાર પાકિસ્તાનથી દિલ્હી આવ્યો. તેમના આખા પરિવારને ભારતમાં શરણાર્થી કેમ્પમાં લાંબો સમય વિતાવવાની ફરજ પડી હતી. આ સમય દરમિયાન તેમણે તેમના નાના ભાઈને પણ ગુમાવ્યો હતો. પણ જ્યારે તેઓ મોટો થયા, ત્યારે તે છોકરાએ આ ડંખ અને પીડાને દેશભક્તિની ફિલ્મોમાં એવી રીતે ઢાળી કે લોકો તેમનું સાચું નામ પણ ભૂલી ગયા. તેમનું સાચું નામ હરિકૃષ્ણ ગિરી ગોસ્વામી છે પરંતુ તેમને ફિલ્મોનો એટલો શોખ હતો કે દિલીપ કુમારની ફિલ્મ 'શબનમ' પછી તેમણે પોતાનું નામ બદલીને મનોજ કુમાર રાખ્યું હતું. તેમણે પોતાનું નામ દિલીપ કુમારના નામ પરથી રાખ્યું. આ પછી તેમણે ફિલ્મી દુનિયામાં પ્રવેશવાનો નિર્ણય કર્યો હતો.
મનોજ કુમારનું મૃત્યુ કેવી રીતે થયું?
મનોજ કુમાર ઘણા વૃદ્ધ હતા. આજે, જ્યારે તેમણે અંતિમ શ્વાસ લીધા, ત્યારે તેમની ઉંમર 87 વર્ષની હતી. સ્વાસ્થ્યના મુદ્દા પર પરિવાર દ્વારા હજુ સુધી કોઈ સત્તાવાર નિવેદન બહાર નથી પાડવામાં આવ્યું. પરંતુ એવું કહેવામાં આવી રહ્યું છે કે વૃદ્ધાવસ્થાને લગતી સ્વાસ્થ્ય સમસ્યાઓના કારણે તેમનું મૃત્યુ થયું છે. મનોજ કુમાર લાંબા સમયથી ફિલ્મ ઇન્ડસ્ટ્રીથી દૂર હતા અને તેમના છેલ્લા દિવસોમાં સ્વાસ્થ્ય સમસ્યાઓનો સામનો કરી રહ્યા હતા.
ભારતીય સિનેમાને નવી દિશા આપી
'ક્રાંતિ' અને 'ઉપકાર' જેવી દેશભક્તિપૂર્ણ ફિલ્મો માટે ફેન્સ તેમને ભારત કુમાર કહેતા હતા. મનોજ કુમારને પદ્મશ્રી, દાદાસાહેબ ફાળકે એવોર્ડ તેમજ નેશનલ એવોર્ડથી સન્માનિત કરવામાં આવ્યા છે. 1957માં ફિલ્મી કરિયર શરૂ કરનાર મનોજ કુમાર રાતોરાત સ્ટાર બની ગયા જ્યારે ફિલ્મ 'શહીદ' માં ભગત સિંહની ભૂમિકાની દરેક જગ્યાએ પ્રશંસા થઈ. આ પછી તેમણે ક્યારેય પાછળ વળીને નથી જોયું નહીં. 'ઉપકાર' ફિલ્મનું તેમનું ગીત 'મેરે દેશ કી ધરતી સોના ઉગલે' અને ફિલ્મ 'ક્રાંતિ' નું ગીત 'ઝિંદગી કી ના તુટે લડી, પ્યાર કર લે ઘડી દો ઘડી' આજે પણ દરેકના હોઠ પર છે.
