Last Update :
12 Jan 2025
ઓટીટીના વધતા વ્યાપ વચ્ચે ભારતનું ફિલ્મ જગત બીજી વખત રેકોર્ડ કમાણી કરવામાં સફળ રહ્યું છે. ભારતીય બોક્સ ઓફિસ કલેક્શન 2024માં 11,833 કરોડ રૂપિયા નોંધાયું છે, પરંતુ આ રેકોર્ડ કલેક્શનમાં સૌથી વધુ ફાળો બોલિવૂડનો નહીં પણ સાઉથની ફિલ્મો 'પુષ્પા-2' અને કલ્કીનો છે. આમ, ફરી એકવાર બોક્સ ઓફિસ પર બોલિવૂડની સામે સાઉથની ફિલ્મોએ બાજી મારી લીધી છે. ઉલ્લેખનીય છે, 2023માં કુલ બોક્સ ઓફિસ કલેક્શન 12,226 કરોડ રૂપિયા હતું, જ્યારે 2024માં આ આંકડો 3.2 ટકા ઘટ્યો છે.
GSTVની એપ્લિકેશન ડાઉનલોડ કરો
આ પણ વાંચો: કંગના રનૌતે નાગપુરમાં રાખી 'ઇમરજન્સી'ની સ્પેશિયલ સ્ક્રીનિંગ, ફિલ્મ જોવા પહોંચ્યા નીતિન ગડકરી
બોક્સ ઓફિસના કુલ કલેક્શનમાં હિન્દી ફિલ્મોનો ફાળો 40 ટકા, તેલુગુ ફિલ્મોનો 20 ટકા, તમિલ ફિલ્મોનો 15 ટકા, મલયાલમ ફિલ્મોનો 10 ટકા, હોલિવૂડની ફિલ્મોનો 8 ટકા અને કન્નડ ફિલ્મોનો 3 ટકા હિસ્સો રહ્યો છે.
બોલિવૂડથી પણ આગળ
ઓરમેક્સ મીડિયા દ્વારા જારી આંકડા અનુસાર, બોક્સ ઓફિસ કલેક્શનમાં સાઉથ ઈન્ડિયન ફિલ્મોએ બાજી મારી છે. જ્યારે બોલિવૂડ કોઈ ખાસ કરામત કરવામાં સફળ નથી રહ્યું. બોલિવૂડનું બોક્સ ઓફિસ કલેક્શન 2024માં 13 ટકા ઘટી 46.8 અબજ રૂપિયા નોંધાયુ છે. જે 2023માં 53.8 અબજ રૂપિયા હતું. ઉલ્લેખીનય છે, હિન્દી સિનેમાના કુલ કલેક્શનમાં 31 ટકા હિસ્સો સાઉથ ઈન્ડિયન ફિલ્મોના ડબ વર્ઝનમાંથી આવ્યો છે. જો ઓરિજિનલ હિન્દી ફિલ્મોની ગણતરી કરીએ તો બોક્સ ઓફિસ કલેક્શન 37 ટકા સુધી ઘટ્યુ હતું.
'પુષ્પા-2' અને 'કલ્કી 2898 AD'એ રેકોર્ડ કમાણી કરી
વર્ષ 2024માં તેલુગુ એક્શન થ્રીલર 'પુષ્પા ધ રૂલઃ પાર્ટ 2' બોક્સ ઓફિસ પર સુપરડુપર હીટ ફિલ્મ રહી છે. 2024માં તેણે 1400 કરોડ રૂપિયાની કમાણી કરી હતી. જ્યારે તેના હિન્દી વર્ઝને 890 કરોડ રૂપિયાની કમાણી કરી બોલિવૂડની સૌથી વધુ કમાણી કરનારી ફિલ્મમાં સ્થાન મેળવ્યું હતું. આ સિવાય તેલુગુની અન્ય એક સાયન્સ ફિક્શન ફિલ્મ 'કલ્કી 2898 AD' 775 કરોડ રૂપિયાની કમાણી સાથે બીજી રેકોર્ડ કલેક્શન નોંધાવનારી ફિલ્મ રહી હતી.
| ફિલ્મ | ઈન્ડસ્ટ્રી | કલેક્શન |
| પુષ્પા-2 | તેલુગુ | 1400 કરોડ રૂપિયા |
| કલ્કી 2898 | તેલુગુ | 775 કરોડ રૂપિયા |
| સ્ત્રી-2 | બોલિવૂડ | 698 કરોડ રૂપિયા |
| દેવરા-પાર્ટ 2 | તેલુગુ | 345 કરોડ રૂપિયા |
| ભૂલભુલૈયા-2 | બોલિવૂડ | 310 કરોડ રૂપિયા |
હોલિવૂડ માટે વર્ષ નિરાશાજનક રહ્યું
હોલિવૂડની ફિલ્મોએ 2024માં ભારતમાંથી કોઈ ખાસ કમાણી નથી કરી. તેની આવક 17 ટકા ઘટી 2015 બાદ પ્રથમ વખત 1000 કરોડ રૂપિયાથી ઘટી 940 કરોડ રૂપિયા નોંધાઈ છે. ભારતીય ફિલ્મ ઈન્ડસ્ટ્રીમાં 8 ટકા માર્કેટ હિસ્સો ધરાવતી હોલિવૂડની કોઈપણ ફિલ્મ સળંગ બીજા વર્ષે 200 કરોડ રૂપિયા કે તેથી વધુ કમાણી નથી કરી શકી. 2024માં 'લાયનકિંગ' સૌથી વધુ 20.7 મિલિયન ડોલરની કમાણી કરનારી એકમાત્ર ફિલ્મ રહી છે.
