Last Update :
14 Jul 2024
દેશના સૌથી અમીર વ્યક્તિ મુકેશ અંબાણીના નાના દીકરા અનંત અંબાણી અને રાધિકા મર્ચન્ટ લગ્નના બંધનમાં બંધાઈ ગયા છે. હજારો કરોડના ખર્ચે થયેલા આ લગ્નમાં દેશ-દુનિયાના અનેક દિગ્ગજોએ ભાગ લીધો હતો. સમારોહમાં આવેલા મહેમાનોને અંબાણી પરિવાર દ્વારા ઘણી મોંઘી ભેટ આપવામાં આવી હતી. તેમાંથી ઘણાને અનંત અંબાણી તરફથી કરોડોની કિંમતની ઘડિયાળો ભેટમાં મળી હતી.
GSTVની એપ્લિકેશન ડાઉનલોડ કરો
આ સ્ટાર્સને ગિફ્ટમાં આપી કરોડો રૂપિયાની ઘડિયાળ
અહેવાલો અનુસાર, આ લગ્ન સમારોહમાં ગ્રૂમ્સમેડની ભૂમિકા ભજવનાર સ્ટાર્સને અનંત અંબાણીએ લક્ઝરી ઘડિયાળો ભેટમાં આપી હતી. જેમને આ ઘડિયાળો ભેટમાં આપવામાં આવી હતી તેમાં બોલિવૂડ અભિનેતા શાહરૂખ ખાન અને રણવીર સિંહનો સમાવેશ થાય છે. કહેવામાં આવી રહ્યું છે કે, તેમને ભેટમાં આપવામાં આવેલી ઘડિયાળની કિંમત 2 કરોડ રૂપિયા છે. વિવિધ સોશિયલ મીડિયા પ્લેટફોર્મ પર ભેટની તસવીરો વાયરલ થઈ રહી છે.
Audemars Piguet બ્રાન્ડની ઘડિયાળ
અનંત અંબાણી તરફથી વરરાજાઓને ભેટમાં મળેલી ઘડિયાળ ઓડેમાર્સ પિગ્યુટ બ્રાન્ડની છે. ઘડિયાળ 41 મિમી. 18 કેરેટ પિંક ગોલ્ડન કેસમાં છે, જે 9.5 મિમી જાડી છે. તેમાં સફાયર ક્રિસ્ટલ બેક અને સ્ક્રૂ લૉક ક્રાઉન છે. ઘડિયાળમાં Grande Tapisserie પેટર્ન સાથે ગુલાબી ગોલ્ડ ડાયલ છે અને તેમાં વાદળી કાઉન્ટર્સ, પિંક ગોલ્ડ અવર માર્કર્સ, રોયલ ઓક હેન્ડ્સ છે.
લક્ઝરી ઘડિયાળમાં છે આ શાનદાર ફીચર્સ
Audemars Piguetની આ ઘડિયાળમાં પિંક ગોલ્ડ ટોન્ડ ઇનર બેઝલ અને મેન્યુફેક્ચર કેલિબર 5134 સેલ્ફ-વાઇન્ડિંગ મૂવમેન્ટ જેવી સુવિધાઓ છે. તેનું એક પર્પેચ્યુઅલ કેલેન્ડર છે, જે સપ્તાહ, દિવસ, તારીખ, ખગોળીય ચંદ્ર, મહિનો, લીપ વર્ષ, કલાકો અને મિનિટો જણાવે છે. ઘડિયાળમાં 18k પિંક ગોલ્ડ બ્રેસલેટ, AP ફોલ્ડિંગ બકલ અને વધારાનો બ્લુ એલિગેટર સ્ટ્રેપ પણ છે. આ ઘડિયાળ 20 મીટર ઊંડા પાણીમાં કામ કરી શકે છે અને તેમાં 40 કલાક સુધીનો પાવર રિઝર્વ હોય છે.
રાજનીતિથી લઈને બિઝનેસ સુધીના દિગ્ગજોએ આપી હાજરી
અનંત અંબાણી અને રાધિકા મર્ચન્ટના લગ્ન મહિનાઓથી ચર્ચામાં છે. તેમના લગ્ન આ મહિને 12મી જુલાઈના રોજ થયા હતા અને ત્યારબાદ 13મી જુલાઈના રોજ શુભ આશીર્વાદ કાર્યક્રમ યોજવામાં આવ્યો હતો. તે પહેલા બે પ્રી-વેડિંગ સેરેમનીનું આયોજન કરવામાં આવ્યું હતું. અંબાણી પરિવારની આ ઉજવણીમાં વડાપ્રધાન નરેન્દ્ર મોદી સહિત અનેક દેશોના વરિષ્ઠ રાજનેતાઓએ ભાગ લીધો હતો. બિઝનેસની દુનિયામાં બિલ ગેટ્સથી લઈને માર્ક ઝુકરબર્ગ જેવા ઘણા દિગ્ગજોએ પણ ફંક્શનમાં હાજરી આપી હતી.
