Last Update :
13 Feb 2025
કપિલ શર્માના કોમેડી શોમાં તેની ઓન-સ્ક્રીન પત્નીની ભૂમિકા ભજવીને સુમોના ચક્રવર્તી ઘર-ઘરમાં જાણીતી બની ગઈ છે. કપિલ શર્માના શો ઉપરાંત, તેણે ઘણી ટીવી સિરિયલો અને ફિલ્મોમાં પણ કામ કર્યું છે. પરંતુ, કપિલ શર્માની ઓન-સ્ક્રીન પત્ની બનીને તેને જે ખ્યાતિ મળી, તે પહેલા ક્યારેય નહતી મળી. પરંતુ, હવે સુમોનાએ તાજેતરમાં 'ધ કપિલ શર્મા શો' વિશે કંઈક એવું કહ્યું છે, જે ફેન્સ માટે આઘાતજનક હોઈ શકે છે. સુમોનાએ તાજેતરમાં જ શો વિશેની વાતો શેર કરી. સુમોનાએ સ્વીકાર્યું કે શોમાં બધું જ તેના માટે સ્ક્રિપ્ટેડ હતું અને તેણે એક અભિનેતા તરીકે કામ કર્યું હતું.
GSTVની એપ્લિકેશન ડાઉનલોડ કરો
કપિલ શર્માના શો વિશે સુમોનાએ કહી આ વાતો
સુમોનાએ એક ઇન્ટરવ્યુ દરમિયાન 'ધ કપિલ શર્મા શો' સાથે સંબંધિત ઘણી વાતો શેર કરી હતી. સુમોનાએ કહ્યું કે, કોમેડી તેનું ક્ષેત્ર નથી, તેથી તેને તેમાં કમ્ફર્ટેબલ થવામાં ઘણો સમય લાગ્યો. આ સાથે, સુમોનાએ ખુલાસો કર્યો કે શોમાં તેના માટે બધું જ સ્ક્રિપ્ટેડ હતું.
સ્ક્રિપ્ટ વાંચતી હતી સુમોના
સુમોનાએ કહ્યું, "મારું પોતાનું સેન્સ ઓફ હ્યુમર છે, પણ મારું સેન્સ ઓફ હ્યુમર આ શોને અનુકૂળ નહીં આવે, તે અહીં કામ નહીં કરે. તો, મારા માટે તે ખરેખર એક્ટિંગ હતી. આ કરવામાં ઘણો સમય લાગ્યો. જ્યારે અમને સ્ક્રિપ્ટ મળતી, ત્યારે હું એવા લોકોમાંથી એક હતી જે પેન અને કાગળ લઈને બેસતી, હાઈલાઈટ કરતી, વાંચતી અને એક-એક શબ્દ યાદ રાખતી, કારણ કે તેમાં પંચ લાઈન્સ હતી. અને તેનાથી પણ વધુ, હું કપિલની લાઈન્સ યાદ રાખતી હતી કારણ કે ટાઈમિંગ ખૂબ જ મહત્ત્વપૂર્ણ છે."
સુમોના ચક્રવર્તીનું વર્ક ફ્રંટ
સુમોનાએ એમ પણ કહ્યું કે, જ્યારે તેની સાથે કામ કરતા અન્ય લોકોએ ઘણું બધું ઈમ્પ્રુવ કર્યું, ત્યારે તે હંમેશા સ્ક્રિપ્ટ પર ધ્યાન આપતી. તેણે યાદ કર્યું કે કપિલ શર્માએ તેની ડાયલોગ્સ યાદ રાખવાની ક્ષમતા માટે પ્રશંસા કરી હતી. સુમોનાએ કહ્યું કે, તે ફિલ્મો અને OTT પ્રોજેક્ટ્સમાં નવી ભૂમિકાઓ શોધવા માટે ઉત્સુક છે. તે તાજેતરમાં લો પ્રોફાઈલ રહી છે અને તે છેલ્લે 'ખતરોં કે ખિલાડી'માં જોવા મળી હતી.
