Birthday Special / પુષ્પાનો અવાજ બનીને ચલાવ્યો પોતાનો જાદુ, આ છે શ્રેયસ તલપડેની ઓલ ટાઈમ હિટ ફિલ્મો

2024ની સૌથી મોટી બ્લોકબસ્ટર હિટ ફિલ્મ 'પુષ્પા 2'ના હિન્દી વર્ઝનને અવાજ આપનાર શ્રેયસ તલપડેનો આજે જન્મદિવસ છે. શ્રેયસ તલપડેનો જન્મ 27 જાન્યુઆરી, 1976ના રોજ મુંબઈમાં થયો હતો. હિન્દી અને મરાઠી ઇન્ડસ્ટ્રીમાં કામ કરનાર અભિનેતા તેની શાનદાર ફિલ્મો અને કોમેડી માટે જાણીતો છે. શ્રેયસે પોતાના ફિલ્મી કરિયરમાં ઘણી હિટ ફિલ્મો આપી છે. ચાલો આજે અમે તમને શ્રેયસની કેટલીક હિટ ફિલ્મો વિશે જણાવીએ.

GSTVની એપ્લિકેશન ડાઉનલોડ કરો

   

આ પણ વાંચો: કૃષ્ણા અભિષેકે શૂઝ અને કપડા રાખવા માટે ખરીદ્યો અલગ ફ્લેટ, એક સમયે પહેરતો હતો ગોવિંદાના આઉટફિટ

'ઓમ શાંતિ ઓમ'

2007માં રિલીઝ થયેલી ફિલ્મ 'ઓમ શાંતિ ઓમ' બ્લોકબસ્ટર હિટ રહી હતી. આ ફિલ્મમાં શ્રેયસે પપ્પુ માસ્ટરનું પાત્ર ભજવ્યું હતું.

'ગોલમાલ રિટર્ન્સ'

2008માં રિલીઝ થયેલી ફિલ્મ 'ગોલમાલ રિટર્ન્સ' પણ એક શાનદાર કોમેડી ફિલ્મ હતી. આ ફિલ્મમાં શ્રેયસે લક્ષ્મણની ભૂમિકા ભજવી હતી.

'ગોલમાલ 3'

શ્રેયસે 2010માં આવેલી ફિલ્મ 'ગોલમાલ 3'થી પણ લોકોના દિલ જીત્યા હતા. ગોલમાલ શ્રેણીમાં શ્રેયસના લક્ષ્મણના પાત્ર વિશે ઘણી ચર્ચા થાય છે.

'હાઉસફુલ 2'

શ્રેયસ 2012માં આવેલી ફિલ્મ 'હાઉસફુલ 2' માં પણ જોવા મળ્યો હતો. આ ફિલ્મમાં શ્રેયસે જયનું પાત્ર ભજવ્યું હતું. આ ફિલ્મ બોક્સ ઓફિસ પર સુપરહિટ સાબિત થઈ હતી.

'ગોલમાલ અગેઈન'

વર્ષ 2017માં રિલીઝ થયેલી ફિલ્મ 'ગોલમાલ અગેઈન' ફરીથી થિયેટરમાં હિટ સાબિત થઈ. આ ફિલ્મમાં પણ શ્રેયસે શાનદાર કોમિક રોલ ભજવ્યો હતો.

શ્રેયસને આ એવોર્ડ મળ્યા

શ્રેયસ તલપડેને તેની ફિલ્મો માટે ઘણા મોટા એવોર્ડ પણ મળ્યા છે. શ્રેયસને તેની ફિલ્મ 'ઈકબાલ' અને 'ડોર' માટે બેસ્ટ એક્ટરનો એવોર્ડ મળ્યો છે. તેને "માઝી તુઝી રેશીમાગઠ" માટે બેસ્ટ એક્ટર અને બેસ્ટ on સ્ક્રીન ફ્રેન્ડનો એવોર્ડ મળ્યો છે.

OTT સિરીઝમાં પણ જોવા મળ્યો

શ્રેયસે હિન્દી અને મરાઠી ફિલ્મોમાં કામ કર્યું છે. આ ઉપરાંત શ્રેયસ ઘણી OTT સિરીઝમાં પણ જોવા મળ્યો હતો. તે 2024માં 'ઝિંદગીનામા' સિરીઝમાં પણ જોવા મળ્યો હતો. આ ઉપરાંત, તેણે 'તીન દો પાંચ' અને 'બેબી કમ ના' સિરીઝમાં પણ કામ કર્યું છે.