Last Update :
18 Apr 2025
સુરત શહેરના લક્ષ્મી એન્ક્લેવ-૧ ખાતે આજે સવારે એક મીટર રૂમમાં અચાનક સ્પાર્ક થવાને કારણે ભીષણ આગ લાગવાની ઘટના સામે આવી છે. આ આગના કારણે મકાનના તળિયે સ્થિત મીટર રૂમમાંથી ઘનધોર ધુમાડો ઉડતા ત્યાં રહેતા લોકોને ભારે અફડાતફડીનો સામનો કરવો પડ્યો હતો.
GSTVની એપ્લિકેશન ડાઉનલોડ કરો
ધુમાડાથી શ્વાસ લેવો મુશ્કેલ બન્યો
પ્રાપ્ત માહિતી અનુસાર, લક્ષ્મી એન્ક્લેવ-૧ના બિલ્ડિંગના ગ્રાઉન્ડ ફ્લોર પર આવેલા ઇલેક્ટ્રિક મીટર રૂમમાંથી અચાનક ચિંગારીઓ નીકળી હતી અને થોડા જ ક્ષણોમાં ત્યાંથી જ્વાળા ભભૂકી ઉઠી હતી. ઘટના સમયે મકાનમાં ઘણા રહીશો હાજર હતાં, જેમણે તાત્કાલિક બહાર નીકળવાનું શરૂ કર્યું. ધુમાડાની ઘનતા એટલી વધારે હતી કે ગાળામાં શ્વાસ લેવો પણ મુશ્કેલ બની ગયો હતો.
આગ પર મેળવાયો કાબુ
આગની જાણ થતા તરતજ ફાયર બ્રિગેડના ત્રણ જેટલા ફાયર ફાઈટિંગ યુનિટ્સ ઘટનાસ્થળે દોડી આવ્યા હતા. તેમનાં ઝડપભર્યા પ્રયાસોથી ટૂંકા સમયગાળામાં આગ પર કાબુ મેળવી લેવાયો હતો. ધન્યવાદના પાત્ર છે કે કોઈ જાનહાનિ થઈ નથી, જોકે મીટર રૂમ અને થોડી આસપાસની જગ્યાઓમાં નુકસાન થયું હોવાનું પ્રાથમિક અંદાજ છે. ફાયર બ્રિગેડના અધિકારીઓએ જણાવ્યુ હતું કે આગ શક્યતઃ ઇલેક્ટ્રિકલ શૉર્ટસર્કિટના કારણે લાગી હોય તેવો શંકાસ્પદ પ્રારંભિક અંદાજ છે. આગ શમાવ્યા બાદ મકાનના રહેવાસીઓએ રાહતનો શ્વાસ લીધો હતો.
