Last Update :
01 May 2025
બાબા વેંગાએ 2025માં એક ભયંકર વિશ્વયુદ્ધની આગાહી કરી છે. આ યુદ્ધ માનવજાતને પતન તરફ લઈ જશે. એક તરફ ભારત અને પાકિસ્તાન વચ્ચે તણાવ છે, તો બીજી તરફ બાબા વેંગાએ કહ્યું છે કે આ યુદ્ધ ફક્ત યુરોપ માટે જ નહીં, પરંતુ આખા વિશ્વ માટે વિનાશકારી હોઈ શકે છે. નોંધનીય છે કે રશિયા અને યુક્રેન વચ્ચે ઘણા વર્ષોથી યુદ્ધ ચાલી રહ્યું છે. કેટલાક નિષ્ણાતોએ ચેતવણી આપી છે કે પૂર્વી યુરોપમાં ભૂ-રાજકીય તણાવ વધુ ખરાબ થવાની આરે છે.
આ પહેલાં બાબા વેંગાએ 2025માં મોટા ભૂકંપોની ચેતવણી આપી હતી. તેમણે કહ્યું હતું કે આ ભૂકંપોથી મોટા પાયે વિનાશ અને માનવ હાનિ થશે. આ ભવિષ્યવાણી સાચી પણ પડી છે. થોડા મહિના પહેલાં મ્યાનમારમાં 7.7ની તીવ્રતાનો મોટો ભૂકંપ આવ્યો અને તેનાથી 1,700થી વધુ લોકોના જીવ ગયા, ઉપરાંત તેના પછી ઘણો વિનાશ થયો.
બાબા વેંગાની દૂરના ભવિષ્યની ઝલક નવા પ્રશ્નો ઉભા કરે છે. બાબા વેંગા ફક્ત ટૂંકા ગાળાની ચિંતા નહોતા કરતા. તેમની ભવિષ્યવાણીઓ ભવિષ્યમાં ઘણી દૂર સુધી ફેલાયેલી છે. તેમની સૌથી વિચિત્ર ભવિષ્યવાણીઓમાં 2028માં શુક્ર ગ્રહ પર માનવ સંશોધન, 2076માં વૈશ્વિક સામ્યવાદનું આગમન અને 2130માં એલિયન સભ્યતાઓ સાથે સંપર્કનો સમાવેશ થાય છે. આવી ભવિષ્યવાણીઓ ભલે ગમે તેટલી કાલ્પનિક લાગે, તે 2025થી ઘણી આગળ માનવજાતના માર્ગને દર્શાવે છે.
બાળપણમાં વાવાઝોડા દરમિયાન બાબા વાંગાએ પોતાની દૃષ્ટિ ગુમાવી દીધી હતી. એવું કહેવાય છે કે આ ઘટના પછી તેમને દિવ્ય દ્રષ્ટિ પ્રાપ્ત થઈ. તેમણે હજારો લોકોને તેમના જીવનમાં સલાહ આપી છે અને વિશ્વના ભવિષ્ય વિશે આગાહીઓ કરી છે.
ભવિષ્યમાં એક ઇસ્લામિક દેશ સંપૂર્ણપણે નાશ પામશે: બાબા વેંગા
તેમના મૃત્યુ પહેલાં, બાબા વાંગાએ દક્ષિણ એશિયા અંગે એક ગંભીર ચેતવણી પણ આપી હતી. તેમણે કહ્યું હતું કે ભવિષ્યમાં એક ઇસ્લામિક દેશ સંપૂર્ણપણે નાશ પામશે. હવે આ આગાહીને ભારત અને પાકિસ્તાન વચ્ચે વધતા તણાવ સાથે જોડવામાં આવી રહી છે. પુલવામા જેવા આતંકવાદી હુમલા અને ભારતની બદલો લેવાની લશ્કરી કાર્યવાહી પછી જે રીતે પરિસ્થિતિ તંગ બની છે, તે જોતાં આ પ્રશ્ન ઊભો થાય છે - શું બાબા વાંગાની ચેતવણી હવે સાચી પડવાની આરે છે?
GSTVની એપ્લિકેશન ડાઉનલોડ કરો
તેમની ભવિષ્યવાણીઓનું અર્થઘટન હંમેશા રહસ્યમય રહ્યું છે અને તેમાં સ્પષ્ટતાનો અભાવ હતો, છતાં ઇતિહાસ બતાવે છે કે જ્યારે તેમણે કંઈક કહ્યું, ત્યારે દુનિયા તેને ગંભીરતાથી લેવા લાગી. હવે ફરી એકવાર, ભારત-પાકિસ્તાન સંબંધોની સંવેદનશીલ પરિસ્થિતિમાં બાબા વાંગાની આગાહી ચર્ચામાં છે.
બાબા વાંગાની ભવિષ્યવાણીઓ અંગે ઘણા વિવાદો છે. ઘણી ભવિષ્યવાણીઓ મૌખિક રીતે આપવામાં આવી હતી અથવા અન્ય લોકો દ્વારા રેકોર્ડ કરવામાં આવી હતી, તેથી તેમની ચોકસાઈ શંકાસ્પદ છે. યુરોપનું ઇસ્લામીકરણ, અથવા 2016 માં અમેરિકાનું પતન જેવી કેટલીક આગાહીઓ સાચી પડી નથી.
