Last Update :
01 Jun 2025
Bank news: કેનેરા બેંકે ગત મહિને પોતાનું પરિણામ જાહેર કર્યું હતું. બેંકે 31 માર્ચ-2025ના રોજ સમાપ્ત થતા ત્રિમાસિક માટે પોતાના સ્ટેન્ડ અલોનના લાભમાં દર વર્ષે 33.25 ટકાની વૃદ્ધિ નોંધી છે. જે 5,002.66 કરોડ હતી.
GSTVની એપ્લિકેશન ડાઉનલોડ કરો
સરકારી માલિકીની કેનેરા બેંકે તેના ગ્રાહકોને મોટી રાહત આપી છે. કેનેરા બેંકે તમામ પ્રકારના બચત ખાતાઓમાં લઘુત્તમ સરેરાશ માસિક બેલેન્સ (AMB) જાળવવાની જરૂરિયાતને સંપૂર્ણપણે નાબૂદ કરી દીધી છે. હવે જો તમે તમારા બચત ખાતા, પગાર ખાતા અથવા ARI ખાતામાં સરેરાશ માસિક બેલેન્સ કરતા ઓછું રાખો છો, તો પણ તમારી પાસેથી કોઈ દંડ વસૂલવામાં આવશે નહીં. કેનેરા બેંકે 1 જૂન, 2025થી આ નવો નિયમ લાગુ કર્યો છે.
લઘુત્તમ સરેરાશ માસિક બેલેન્સ શું છે?
લઘુત્તમ સરેરાશ માસિક બેલેન્સ એ દંડથી બચવા માટે બચત ખાતામાં મહિનાભર જાળવવાની લઘુત્તમ રકમ છે. બેંકો ગ્રાહકના ખાતાના પ્રકાર અને શાખાના સ્થાનના આધારે લઘુત્તમ સરેરાશ માસિક બેલેન્સ નક્કી કરે છે. અગાઉ, કેનેરા બેંકના ગ્રાહકોને તેમના ખાતાના પ્રકાર પર આધારિત લઘુત્તમ સરેરાશ માસિક બેલેન્સ જાળવવાની જરૂર હતી. લઘુત્તમ સરેરાશ માસિક બેલેન્સ જાળવવામાં નિષ્ફળતા પર દંડ લાદવામાં આવતો હતો.
લાખો ગ્રાહકોને ફાયદો થશે
બેંકે એક નિવેદનમાં જણાવ્યું હતું કે, "આ નવી નીતિ સાથે, બધા કેનેરા બેંક બચત ખાતાધારકો હવે તેમના ખાતામાં દંડ-મુક્ત બેલેન્સનો આનંદ માણી શકશે. એટલે કે, દંડથી બચવા માટે તેમને હવે લઘુત્તમ સરેરાશ માસિક બેલેન્સ જાળવવાની જરૂર રહેશે નહીં." આ નીતિ સાથે, કેનેરા બેંક તેના લાખો ગ્રાહકોને લાભ આપવાનું લક્ષ્ય રાખે છે,જેમાં પગારદાર વ્યક્તિઓ, વરિષ્ઠ નાગરિકો, વિદ્યાર્થીઓ, NRI અને બેંકિંગ સેવાઓનો પ્રથમ વખત ઉપયોગ કરનારાઓનો સમાવેશ થાય છે.
બેંકનું પરિણામ કેવું રહ્યું
કેનેરા બેંકે ગત મહિને તેનું પરિણામ જાહેર કર્યું. બેંકે 31 માર્ચ, 2025ના રોજ પૂરા થયેલા ત્રિમાસિક ગાળા માટે તેના સ્ટેન્ડઅલોન ચોખ્ખા નફામાં વાર્ષિક ધોરણે 33.15 ટકાનો વધારો નોંધાવ્યો છે, જે 5,002.66 કરોડ થયો છે. વર્ષ-2024માં જાન્યુઆરીથી માર્ચ ત્રિમાસિક ગાળા માટે બેંકનો ચોખ્ખો નફો 3,757.23 કરોડ હતો. 31 માર્ચ, 2025ના રોજ પૂરા થયેલા ત્રિમાસિક ગાળા માટે બેંકની કુલ વ્યાજ આવક 31,002.04 કરોડ હતી, જે 28,807.35 કરોડની સરખામણીમાં 7.62 ટકાનો વધારો દર્શાવે છે.
