11 વર્ષ જૂનું હતું દુર્ઘટનાગ્રસ્ત વિમાન, જાણો કેવી હતી પ્લેનની બનાવટ અને બેઠક ક્ષમતા  

અમદાવાદના મેઘાણીનગરમાં સરદાર વલ્લભભાઈ આંતરરાષ્ટ્રીય એરપોર્ટ પર ટેક ઓફ કરતી વખતે એર ઈન્ડિયાનું અમદાવાદથી લંડન જતું પ્લેન ક્રેશ થયું છે. આ વિમાન એરપોર્ટ પરથી બપોરે 1:38 વાગ્યે ટેક ઓફ થયું હતું અને 1:40 વાગ્યે દુર્ઘટના સર્જાઇ હતી. પ્રાથમિક અહેવાલો પ્રમાણે મેઘાણી નગર વિસ્તારમાં ઘોડા કેમ્પ નજીક આઈજીબી કમ્પાઉન્ડમાં આ ઘટના બની હતી.

GSTVની એપ્લિકેશન ડાઉનલોડ કરો

   

આ દરમિયાન દૂર સુધી ધુમાડાના ગોટેગોટા જોવા મળ્યા હતા, જેથી આસપાસના રહીશોમાં ભય ફેલાઈ ગયો હતો. અહેવાલો પ્રમાણે, ટેક ઓફ વખતે વિમાનનો પાછળનો ભાગ વૃક્ષ સાથે અથડાતા આ ઘટના બની હતી. એવું પણ કહેવાય છે કે, આ પ્લેનમાં કોઇ ટેક્નિકલ ખામી સર્જાઇ હોવાથી દુર્ઘટના સર્જાઇ હતી.

એક વિમાન 30-50 વર્ષ નું હોય છે આયુષ્ય 

ડ્રીમલાઇનરનું ડિઝાઇન કરેલ બોઇંગ 787નું આયુષ્ય 44,000 ફ્લાઇટ સાયકલનું છે, જેનું સંભવિત આયુષ્ય 30થી 50 વર્ષનું હોય છે. જ્યારે મોટાભાગના કોમર્શિયલ જેટ એટલા લાંબા સમય સુધી સેવામાં રહેતા નથી. જો કે  અમદાવાદમાં ક્રેશ થયેલ વિમાન ફક્ત 11 વર્ષ જૂનું હતું.

બોઇંગ 787-8 ડ્રીમલાઇનર એક વાઈડ-બોડી, મિડ સાઈઝ અને લોન્ગ રેન્જ એરક્રાફ્ટ છે, જે 210-250 સીટ સાથે 8500 નોટીકલ માઈલ્સનું અંતર કાપી શકે છે. તે 20% ઓછા ઇંધણ વપરાશ સાથે ડિઝાઇન કરવામાં આવ્યું છે, જે પર્યાવરણ માટે પણ સારું છે.

બોઇંગ 787-8ની વિગતો

- લંબાઈ: 56.70 મીટર

- વિંગ પહોળાઈ: 60 મીટર

- ઊંચાઈ: 16.90 મીટર

- એન્જિન 2 એન્જિન (સામાન્ય રીતે જનરલ ઇલેક્ટ્રિક અથવા રોલ્સ-રોયસ)

- બળતણ ક્ષમતા: 1,26,206 લિટર

- મહત્તમ ગતિ: 954 કિમી/કલાક

- મહત્તમ રેન્જ: 13,620 કિમી

- 254 મુસાફરો સુધીની બેઠક ક્ષમતા

- બોઇંગ ઉત્પાદક:  યુએસએ 

- અંદાજિત કિંમત ₹2.18 હજાર કરોડ (₹21.8 અબજ)

અમદાવાદથી લંડન ફ્લાઇટ

અમદાવાદથી લંડન ફ્લાઇટનું અંતર લગભગ 7,000 કિમીની છે. તે 787-8 ડ્રીમલાઇનર માટે એકદમ યોગ્ય છે. વિમાન આરામદાયક અને કાર્યક્ષમ હતું. આજે, એર ઇન્ડિયા, બ્રિટિશ એરવેઝ અને એતિહાદ જેવી ઘણી એરલાઇન્સ આ રૂટ પર 787-8નો ઉપયોગ કરે છે.

સુરક્ષા પગલાં

એડવાન્સ સિક્યુરિટી સ્ક્રિનિંગ: મુસાફરોનું એરપોર્ટ પર સખત રીતે સ્ક્રીનીંગ કરવામાં આવે છે, જેમાં સામાન, બોડી સ્કેન અને ID ચકાસણીનો સમાવેશ થાય છે.

કોકપિટ સિક્યુરિટી: 787-8 માં કોકપિટ એક્સેસ કંટ્રોલ સિસ્ટમ છે જે અનધિકૃત પ્રવેશને રોકવામાં મદદ કરે છે.

સાયબર સિક્યુરિટી: વિમાનની સિસ્ટમને હેકિંગથી બચાવવા માટે અદ્યતન સાયબર સુરક્ષા પગલાં છે.

ઈન્ટેલીજન્સ શેરિંગ: એરલાઇન્સ અને સરકારી એજન્સીઓ કોઈપણ જોખમોની અપેક્ષા રાખવામાં મદદ કરવા માટે રિયલ-ટાઇમ ઈન્ટેલીજન્સ માહિતી શેર કરે છે.