શતરંગ / સ્પર્શ...

- ફેસબુકથી હાર્ટબુક સુધી

સાવ સચવાયેલી અને મૂંગી છતાંય ભીની ભાષા જો કોઈ હોય તો એ છે સ્પર્શની ભાષા...
સ્પર્શ જેટલું બોલે છે જેટલી વાતો કરે છે જેટલું કહી જાય છે એટલું સામર્થ્ય કોઈ પણ શબ્દો આજ સુધી કેળવી શક્યા જ નથી કદાચ ...
કેટલા પ્રકારના સ્પર્શ હોય છે!
વરસાદની મોસમમાં સાવ અચાનક આંખ પર પડતાં ટીપાંનો સ્પર્શ ! આહ નીકળી જ જાય એટલો આહલાદક....
કોઈની હથેળીમાં તમારું કે પછી તમારી હથેળીમાં કોઈનું એક આંસુ પડે એટલું સૌભાગ્ય પણ જો મળે તો કદાચ એ હથેળી દ્વારા થયેલ સઘળાય પાપ ધોવાઇ જાય!