Last Update :
10 Jul 2024
- જાગૃતતા જરૂરી
144 કરોડની વસ્તી ધરાવતા આપણાં દેશમાં 14-15 કરોડ લોકો પ્રી-ડાયાબિટીસનાં શિકાર છે. જે આપણને એનાં વિશે જાણવાં મજબુર કરે છે. પ્રી-ડાયાબિટીસ બીજું કંઈ નહિ પરંતુ ડાયાબિટીસનો જ પ્રાથમિક તબક્કો છે. જો તમારા માતા-પિતા, ભાઈ-બહેન, કે દાદા-દાદીને ટાઈપ-2 ડાયાબિટીસ હોય તો તમારી વધતી ઉંમર પ્રમાણે તમને પણ ડાયાબિટીસ થવાનાં રિસ્ક વધી જાય છે.
પ્રી-ડાયાબિટીસના ચિહ્નો શું હોય છે?
=> મોટાભાગે પ્રી-ડાયાબિટીસનાં કોઈ ચિહ્નો હોતા નથી.
=> ઘણા દર્દીઓની અમુક જગ્યાની ચામડી કાળી પડી જાય છે. (ગરદન, ગ્રોઇન, બગલ વગેરે.)
=> જો તમને તરસ વધુ લાગવી, વારંવાર પેશાબ કરવા જવું, ભૂખ વધું લાગવી, વજન અચાનક ઉતરવું, જેવા કોઈ પણ ચિહ્નો દેખાય તો તમે કદાચ પ્રી-ડાયાબિટીસમાંથી ડાયાબિટીસ બાજુ ગયા હોઈ શકે.
પ્રી-ડાયાબિટીસ કોને થઈ શકે?
→ કોર્પોરેટ લાઈફ જેમાં સ્ટ્રેસ ખૂબ જ હોય
→ બહારનું વધુ પડતું ભોજન
→ શારીરિક શ્રમનો અભાવ
→ મોટાપો
→ અનિંદ્રા
→ ચિંતાવાળો સ્વભાવ
શું પ્રી-ડાયાબિટીસને ડાયાબિટીસમાં પરિણમતા રોકી શકાય?
→ હા. તમે પ્રી-ડાયાબિટીસને ડાયાબિટીસમાં પરિણમતા રોકી શકો છો.
- તમારી લાઇફસ્ટાઇલ હેલ્ધી હોવી જોઈએ.
- તમારું ડાયેટ બેલેન્સ હોવું જોઈએ. જેમાં અનાજ, શાકભાજી, ફળફળાદિનો જરૂરી માત્રામાં સમાવેશ હોવો જોઈએ.
- તમારી એક્સરસાઇઝ નિયમિતપણે થતી હોવી જોઈએ.
- તમારું વજન મર્યાદિત હોવું જોઈએ.
- બહારના પીણાં, વધુ પડતો ખોરાક, કે મીઠી વાનગીઓનો ઉપયોગ ટાળવો જોઈએ.
- તમારી ઊંઘ પૂરતા પ્રમાણમાં હોવી જોઈએ.
શું નિયમિત કસરત પ્રી-ડાયાબિટીસમાં ફાયદાકારક છે?
→ પ્રી-ડાયાબિટીસનાં દર્દીએ 150 મિનિટ કસરત ઓછામાં ઓછી એક અઠવાડિયામાં કરવી જોઈએ.
→ એરોબિક એક્સરસાઇઝ જેમાં ચાલવું, દોડવું, તરવું, સાઈકલિંગ, વગેરે. બ્લડ સુગરને નિયંત્રિત રાખવા ખૂબ જ ફાયદાકારક છે.
→ વજન લઈને થતી કસરત (રેસિસ્ટન્સ ટ્રેનિંગ)તમારું મસલ માસ વધારે છે અને ઈન્સ્યુલીન રેસિસ્ટન્સ ઓછો કરે છે.
જરૂરી માહિતી
→ યુવાન અવસ્થાથી જ નિયમિતપણે બ્લડ સુગરની બીજાં બધા હેલ્થ ચેકઅપ સાથે તપાસ કરાવતા રહેવું જોઈએ.
→ જો કુટુંબમાં કોઈને ડાયાબિટીસ હોય તો તમારે પહેલેથી જ તમારી લાઈફસ્ટાઇલ હેલ્ધી રાખવી જોઈએ અને ડાયાબિટીસ થવાનાં રિસ્કને અટકાવવું જોઈએ.
→ પ્રી-ડાયાબિટીસને એક ચેતવણીની જેમ લેવી જોઈએ અને એને ડાયાબિટીસમાં પરિણમતા રોકવા બધાં જ પ્રયત્નો કરવા જોઈએ.
- ડૉ. મેઘા પટેલ (એમ.પી.ટી.ઓર્થો)
 |
 |
 |
 |
|
;)
