અમદાવાદ પોલીસ કમિશનરની મોટી કાર્યવાહી, નરોડા GIDCમાંથી દારુનું ગોડાઉન પકડાતા PI સસ્પેન્ડ

અમદાવાદના નરોડામાં સ્ટેટ મોનીટરીંગ સેલના દરોડા બાદ મોટી કાર્યવાહી કરવામાં આવી છે. શહેર પોલીસ કમિશનરે નરોડા પીઆઇને સસ્પેન્ડ કર્યા છે. મહત્ત્વપૂર્ણ છે કે,  નરોડા GIDCમાંથી દારૂનું ગોડાઉન પકડાયું હતું.

GSTVની એપ્લિકેશન ડાઉનલોડ કરો

   

નરોડા GIDCમાંથી દારૂનું ગોડાઉન ઝડપાયું હતું

અમદાવાદના નરોડા GIDCમાં નમકીનનો ધંધો કરવાના બહાને બે બુટલેગરો દારૂનું વેચાણ કરતા હતા. 23 હજારના ભાડે રાખેલા ગોડાઉનમાં બુટલેગરો નમકીનના પેકેટની આડમાં છુપાવીને દારૂની બોટલો રાખતા હતા.

સ્ટેટ મોનિટરિંગ સેલ (SMC)ના અધિકારીઓને બાતમી મળી હતી કે નરોડા GIDCમાં સીમ્ફોની એસ્ટેટ શેડ નંબર-8માં નમકીનની આડમાં દારૂનું વેચાણ કરવામાં આવે છે. આ બાતમીના આધારે પોલીસે તપાસ કરતા 14.65 લાખની કિંમતની 2,326 દારૂની બોટલો ઝડપી પાડી હતી.આ સાથે જ રોકડ રકમ, મોબાઇલ અને બે વાહનો મળી કુલ 19.68 લાખનો મુદ્દામાલ કબ્જે કરી વધુ તપાસ હાથ ધરી હતી.

આ પણ વાંચો: રાજ્યમાં પતંગ દોરી વાગતાં 3 મોતઃ રાજકોટમાં બાઈક ચાલકનું મોત, હાલોલમાં 5 વર્ષના બાળકનું ગળું કપાયું 

આ ઘટનામાં પોલીસે મૂળ રાજસ્થાનના બિયાવરના તેમજ અમદાવાદના નોબલનગર ખાતે રહેતા શખ્સની ધરપકડ કરી હતી.જ્યારે દારૂનો જથ્થો મોકલનાર તેમજ દારૂનો જથ્થો મંગાવનાર સહિત ચાર શખ્સોની શોધખોળ હાથ ધરી છે.