ભણતર થશે મોંઘુ: અમદાવાદની ખાનગી સ્કૂલોની ફીમાં પાંચથી 10 ટકા સુધીનો વધારો

અમદાવાદની ફી નિર્ધારણ કમિટીએ શહેરની ખાનગી સ્કૂલોમાં ફી વધારો કર્યો છે. ફી કમિટી દ્વારા જે શાળાઓની ફાઈનલ ફી નક્કી કરી છે, તેમાં સરેરાશ 5થી 7 ટકા જેટલો વધારો કરવામાં આવ્યો છે. જ્યારે અમુક શાળાઓને 10 ટકા સુધીનો વધારો પણ મળ્યો છે. ફી કમિટીએ 3 હજારથી લઇને 12 હજાર રુપિયા સુધીનો વિવિધ સ્કૂલોમાં વધારો કરવામાં આવ્યો છે.

GSTVની એપ્લિકેશન ડાઉનલોડ કરો

   

અમદાવાદ ઈન્ટરનેશનલ સ્કુલનો 12 હજારનો ફી વધારો મંજૂર

અમદાવાદ ઈન્ટરનેશનલ સ્કુલનો 12 હજારનો ફી વધારો મંજૂર કરવામાં આવ્યો છે. તો અમદાવાદ ઈન્ટરનેશનલ સ્કૂલમાં ભણતા બાળકોના વાલીઓએ વધુ 12 હજાર રૂપિયા ચૂકવવા પડશે, કુલ ફી  1.20 લાખને આંબી જશે. ફી વધારા બાદ વાલીઓ પર આર્થિક બોજ ઝીંકવામાં આવ્યો છે. ફી વધારાને લઈને વાલીઓમાં રોષની લાગણી ફેલાઈ છે.

 શિવ આશિષ સ્કૂલ, કે.એન. પટેલ સ્કૂલ, સંત કબીર સ્કૂલ અને એચ.બી. કાપડિયાની ફીમાં વધારો

શહેરની અન્ય શાળાઓમાં પણ વધારો ઝીંકવામાં આવ્યો છે. શહેરની શિવ આશિષ સ્કૂલ, કે.એન. પટેલ સ્કૂલ, સંત કબીર સ્કૂલ અને એચ.બી. કાપડિયા સ્કૂલની ફીમાં પણ વધારો કરવામાં આવ્યો છે.અમદાવાદ ઝોનની ફી કમિટીમાં સભ્યો ન હોવાના લીધે ફીની કામગીરી અટકી પડી હતી.