Last Update :
16 Jun 2025
ભાવનગરના મહુવાના તલગાજરડામાં ભારે વરસાદ વરસ્યો છે. મહુવાના તલગાજરડાના વાડી વિસ્તારમાં આવેલી સ્કૂલમાં ફસાયેલા વિદ્યાર્થીઓનું રેસ્કયૂ કરાયુ હતુ. ફાયર વિભાગની ટીમે દોરડા વડે તમામ વિદ્યાર્થીઓને પાણીની બહાર કઢાયા. અને સ્થાનિક લોકો દ્વારા તમામ બાળકોને વાડી વિસ્તારમાંથી નજીકની એક અગાસી પર લઈ જવામાં આવ્યા. તમામ વિદ્યાર્થીઓને સુરક્ષિત રીતે હાલ તેમના ઘેર પહોંચાડી દેવામાં આવ્યા છે. મહુવાના તલ ગાજરડામાં ત્રણથી ચાર ફૂટ જેટલા વરસાદી પાણી ભરાયા છે.
GSTVની એપ્લિકેશન ડાઉનલોડ કરો
ભાવનગરમાં જાણે વાદળ ફાટ્યું હોય તેવી સ્થિતી સર્જાઈ છે. ભાવનગર જિલ્લાના સિહોર, પાલિતાણા પંથકમાં ભારે વરસાદના કારણે નદી નાળામાં ઘોડાપુર આવ્યું છે. ભારે વરસાદને પગલે પાલિતાણા - ટાણા રોડ પર બુઢણા ગામે આવેલો કોઝવે તૂટ્યો હતો. કોઝવે તૂટવાનો વિડીયો હાલ સામે આવ્યો છે.
મહુવા તાલુકાના ઓથા ગામમાં ભારે વરસાદના કારણે ડોંગી નદી ઉફાણ પર આવી છે. છેલ્લા બે કલાકથી અવિરત વરસાદના પગલે નદી બે કાંઠે વહેવા લાગી હતી, જેના કારણે ગામમાં ઘોડાપૂર જેવી સ્થિતિ સર્જાઈ હતી. બગદાણા પંથકમાં અનરાધાર વરસાદ વરસી રહ્યો છે, જેની અસર ઓથા ગામની નદી પર પણ જોવા મળી. નદીમાં સતત પાણીનો પ્રવાહ વધતાં મહુવા-બગદાણા રોડ બંધ કરવાની ફરજ પડી છે.
