Last Update :
21 Mar 2025
ગુજરાત વિધાનસભામાં બજેટ સત્રમાં પ્રશ્નોતરી કાળ ચાલી રહ્યો છે. વિધાનસભામાં લઘુ, સૂક્ષ્મ અને મધ્યમ ઉદ્યોગ, કુટીર, ખાદી અને ગ્રામોદ્યોગ વિભાગના પ્રશ્નો અંગે ચર્ચા થઇ હતી. નાગરિક ઉડ્ડયન, શ્રમ,કૌશલ્ય વિકાસ અને રોજગારને લગતા પ્રશ્નો પણ ધારાસભ્યો દ્વારા પૂછવામાં આવ્યા હતા. જુદી જુદી સમિતિના અહેવાલ અને હિસાબો અંગેની સમીક્ષાના કાગળ વિધાનસભાના મેજ પર મુકવામાં આવ્યા છે.
GSTVની એપ્લિકેશન ડાઉનલોડ કરો
વડનગર અને સિદ્ધપુરમાં બનશે એરપોર્ટ
પાટણના ધારાસભ્ય કિરીટ પટેલે રાજ્યમાં નવા એરપોર્ટને લઇને સવાલ પૂછ્યો હતો જેનો સરકારે જવાબ આપ્યો હતો.સરકારે કહ્યુ કે, આગામી સમયમાં વધુ બે સ્થળો પર હવાઇમથક ઉભા કરવામાં આવશે. વડનગર અને સિદ્ધપુરમાં એરપોર્ટ બનશે. આ બન્ને સ્થળોએ અનુકૂળ જમીન શોધવાનું કામ સરકારે શરૂ કર્યું છે. જમીન મળ્યેથી એરપોર્ટ વિકસાવવામાં આવશે.
ગુજરાતમાં અત્યારે 18 એરપોર્ટ કાર્યરત
ગુજરાતમાં કૂલ 18 એરપોર્ટ્સ છે, જેમાં વિવિધ પ્રકારના હવાઇ મથકોનો સમાવેશ થાય છે. આ એરપોર્ટ્સનું સંચાલન એરપોર્ટ્સ ઓથોરિટી ઓફ ઈન્ડિયા (AAI), ભારતીય વાયુસેના, ગુજરાત સરકાર અને ખાનગી કંપનીઓ દ્વારા કરવામાં આવે છે.
રાજ્યમાં 3 આંતરરાષ્ટ્રીય એરપોર્ટ છે જ્યારે 9 ડોમેસ્ટિક એરપોર્ટ્સ છે.
આંતરરાષ્ટ્રીય એરપોર્ટ્સ: 3
અમદાવાદ (સરદાર વલ્લભભાઈ પટેલ ઈન્ટરનેશનલ એરપોર્ટ)
સુરત
વડોદરા
સ્થાનિક (ડોમેસ્ટિક) એરપોર્ટ્સ: 9
ભાવનગર
ભુજ
જામનગર
કંડલા
કેશોદ
પોરબંદર
રાજકોટ
અમરેલી
મહેસાણા
ખાનગી એરપોર્ટ્સ: 2
મુંદ્રા
મીઠાપુર
સંરક્ષણ (મિલિટરી) એરપોર્ટ્સ: 3
નલિયા
ડીસા
જામનગર (એરફોર્સ બેઝ)
અન્ય: કેટલાક નાના એરસ્ટ્રીપ્સ અને ફ્લાઈંગ સ્કૂલ માટેના હવાઈ મથકો પણ આમાં સામેલ છે.
નવા એરપોર્ટ્સની યોજના
ગુજરાત સરકાર અને કેન્દ્ર સરકાર દ્વારા રાજ્યમાં હવાઈ ઈન્ફ્રાસ્ટ્રક્ચરને વધારવા માટે ઘણી યોજનાઓ પર કામ ચાલી રહ્યું છે. હાલમાં નીચેના નવા એરપોર્ટ્સ બનવાની પ્રક્રિયામાં છે અથવા પ્રસ્તાવિત છે:
અન્ય પ્રસ્તાવિત પ્રોજેક્ટ્સ
વડનગર અને સિદ્ધપુર: આ બંને જગ્યાએ નાના એરસ્ટ્રીપ્સ અથવા એરપોર્ટ્સની ચર્ચા ચાલી રહી છે.
