Last Update :
16 Jun 2025
દક્ષિણ ગુજરાતમાં ભારે વરસાદનું આગમન થયું છે. નવસારી જિલ્લાના ગણદેવી ખાતે આવેલા દેવધા ડેમમાં નવા ચોમાસાની શરૂઆત સાથે પાણીની આવક વધતા સિંચાઈ વિભાગે મહત્વનો નિર્ણય લીધો છે. વિભાગે ડેમના 40 દરવાજા પૈકી 20 દરવાજા ખોલ્યા છે. આ પગલાં સાથે અંબિકા નદી કાંઠે આવેલા 16 ગામોને સાવચેત કરવામાં આવ્યા છે.
GSTVની એપ્લિકેશન ડાઉનલોડ કરો
ડેમમાં પાણી ઉપલબ્ધ
ગત ચોમાસામાં સારા વરસાદને કારણે નવસારી જિલ્લામાં પાણીનો પર્યાપ્ત સંગ્રહ થયો હતો. જિલ્લામાં સિંચાઈ અને પીવાના પાણીની સુવિધા માટે કેલીયા, જૂજ અને દેવધા ડેમ કાર્યરત છે. હાલમાં આ ડેમોમાં પૂરતું પાણી ઉપલબ્ધ છે.
જૂના પાણીના નિકાલ માટે પગલું
નવા ચોમાસાની શરૂઆત થતાં નવા પાણીની આવક પહેલાં જૂના પાણીના નિકાલ માટે આ પગલું લેવામાં આવ્યું છે. દેવધા ડેમ બે નગરપાલિકાઓને સિંચાઈ અને પીવાનું પાણી પૂરું પાડે છે. ઉપરવાસમાંથી આવતા પાણીની સ્થિતિ પર વહીવટી તંત્ર સતત નજર રાખી રહ્યું છે. પાણીની આવક એકાએક ન વધે તે માટે તંત્ર સાવચેત છે.
