RAJKOT : ગોંડલના નાના મહિકા ગામે કુંવામાં પડી જતા બે પરપ્રાંતિય બાળકોના મોત

Rajkot News : રાજકોટ જિલ્લાના ગોંડલ તાલુકાના નાના મહિકા ગામમાં મોટી કરૂણ ઘટના ઘટી છે, જેમાં કુંવામાં પડી જતા બે પરપ્રાંતિય બાળકોના મોત થયા છે. આ બંને બાળકો સગા ભાઈઓ હોવાનું જાણવા મળ્યું છે. 

GSTVની એપ્લિકેશન ડાઉનલોડ કરો

   

મધ્યપ્રદેશના દેવાસ જિલ્લાના ખેડખાલ ગામેથી એક પરિવાર ગોંડલ તાલુકાના નાના મહિકા ગામે વાડીમાં મજૂરીકામ કરવા આવ્યો હતો. ધીરૂભાઈ પોપટભાઈ વેકરીયાની વાડીએ આ શ્રમિક પરિવારના બે બાળકો 60 ફુટ ઉંડા કુંવામાં પડી ગયા હતા. આ ઘટનામાં  રીતિક ધર્મેન્દ્રભાઈ જાદવ ઉ.વ.4 અને અશ્વિન ધર્મેન્દ્રભાઈ જાદવ ઉ.વ.2 બંને બાળકોના ડૂબી જવાથી મોત થયા હતા. 

ગોંડલ નગરપાલિકા ફાયર વિભાગ અને પોલીસને ઘટનાની જાણ કરવામાં આવી હતી. ફાયર સ્ટાફે આ બંને બાળકોના મૃતદેહને વહાર કાઢ્યા હતા. પોલીસે બંનેના મૃતદેહને બહાર કાઢી પોસ્ટમોર્ટમ માટે મોકલ્યા છે.