Last Update :
21 Jun 2025
સુરતના આંતરરાષ્ટ્રીય યોગ દિવસની ઉજવણી સમગ્ર દેશમાં ઉત્સાહભેર કરવામાં આવી રહી છે. સુરતના અડાજણ વિસ્તારમાં સ્થિત બદ્રીનારાયણ મંદિર પરિસરમાં પણ યોગ સાધનાનું વિશિષ્ટ આયોજન કરવામાં આવ્યું હતું. "ૐ શિવ યોગ પરિવાર" દ્વારા આયોજિત આ કાર્યક્રમમાં મોટી સંખ્યામાં લોકો જોડાયા અને યોગના માધ્યમથી તન, મન અને આત્માને જોડતી સકારાત્મક ઉર્જાનો અનુભવ કર્યો હતો. કાર્યક્રમની થીમ "શાંતિ કા સુત્ર યોગ સે જીવન" હેઠળ યોગ દ્વારા જીવનમાં શાંતિ, સંતુલન અને સ્વસ્થતાના સંદેશો આપવામાં આવ્યા. અહેવાલ અનુસાર, યોગાભ્યાસ દરમ્યાન આસન, પ્રાણાયામ અને ધ્યાનની વિવિધ ક્રિયાઓનું નિયમિત રીતે પાલન કરવામાં આવ્યું હતું. આ કાર્યક્રમ લોકજાગૃતિ માટે એક સરાહનીય પ્રયાસ હતો અને યોગના મહાત્મ્યને ફરી એકવાર ઉજાગર કર્યું હતું.
GSTVની એપ્લિકેશન ડાઉનલોડ કરો
