ગુજરાત ST બસ ભાડામાં 10 ટકા વધારો થતાં લોકોને હાલાકી, સુવિધા વધાર્યા વિના ભાડું વધાર્યું

સુરેન્દ્રનગરમાં ગુજરાત એસ.ટી. વિભાગ દ્વારા બસ ભાડામાં 10%નો વધારો કરવામાં આવ્યો છે, જેના કારણે હવે મુસાફરી મોંઘી બની ગઈ છે. આ નવા ભાડા આજથી લાગુ થયા છે, જેની સીધી અસર સુરેન્દ્રનગર જિલ્લાના દૈનિક સરેરાશ 25 હજારથી વધુ મુસાફરોને પડશે. મુસાફરોનો આક્ષેપ છે કે સુવિધાઓમાં કોઈ સુધારો કે ફેરફાર કરવામાં આવ્યો નથી, છતાં ભાડામાં આટલો મોટો વધારો કરી દેવાયો છે. 

GSTVની એપ્લિકેશન ડાઉનલોડ કરો

   

અગાઉ સુરેન્દ્રનગરથી રાજકોટનું ભાડું 69 રૂપિયા હતું, જે હવે વધીને 77 રૂપિયા થયું છે. એ જ રીતે, સુરેન્દ્રનગરથી અમદાવાદના ભાડામાં પણ એક ટિકિટ દીઠ અંદાજે 12 રૂપિયાનો વધારો થયો છે. આ એકાએક 10% ભાવ વધારાથી મુસાફરોમાં રોષ ફેલાયો છે અને તેમણે પોતાનો અસંતોષ વ્યક્ત કર્યો છે. ભાડા વધારાને કારણે રોજિંદા મુસાફરોને આર્થિક બોજ વધશે, ખાસ કરીને તેમને જેઓ નોકરી, શિક્ષણ કે અન્ય જરૂરી કામો માટે એસ.ટી. બસો પર આધાર રાખે છે. મુસાફરોની નારાજગી એ વાત પર પણ કેન્દ્રિત છે કે ભાડામાં વધારો તો થયો, પરંતુ બસોની સ્થિતિ કે સેવામાં કોઈ નોંધપાત્ર સુધારો જોવા મળ્યો નથી.