હિમાચલ: એરપોર્ટ પર મોટી દુર્ઘટના ટળી, ઇમરજન્સી બ્રેક લગાવીને વિમાનને રોક્યું, Dy CM પણ હતા સવાર

હિમાચલ પ્રદેશની રાજધાની શિમલાના જુબ્બરહટ્ટી એરપોર્ટ પર સોમવારે સવારે એક મોટી દુર્ઘટના ટળી ગઈ. મળતી માહિતી મુજબ, દિલ્હીથી શિમલા પહોંચેલા એલાયન્સ એરના વિમાનને ઇમરજન્સી બ્રેક લગાવીને રોકી દેવામાં આવ્યું છે. વિમાન અડધા રનવે પર ઉતર્યું હતું. આ વિમાનમાં નાયબ મુખ્યમંત્રી મુકેશ અગ્નિહોત્રી અને ડીજીપી ડૉ. અતુલ વર્મા પણ હાજર હતા.

GSTVની એપ્લિકેશન ડાઉનલોડ કરો

   

સદનસીબે, વિમાન રનવે પરથી ઉતરી શક્યું નહીં અને મોટી દુર્ઘટના ટળી ગઈ. આ દરમિયાન વિમાનનું ટાયર પણ ફાટી ગયું. બીજી તરફ, આ અકસ્માત બાદ, સુરક્ષા કારણોસર ધર્મશાલાની આગામી ફ્લાઇટ રદ કરવામાં આવી છે. વિમાનને અડધા રનવે પર કેમ ઉતારવામાં આવ્યું તે અંગે હજુ સુધી કોઈ માહિતી ઉપલબ્ધ નથી. વિમાનમાં ટેકનિકલ ખામીની તપાસ કરવામાં આવી રહી છે.