ઓડિશા પ્રદેશ કોંગ્રેસ પ્રમુખ તરીકે ભક્ત ચરણ દાસની નિયુક્તિ

અખિલ ભારતીય કોંગ્રેસ સમિતિએ ભક્ત ચરણ દાસને એક મોટી જવાબદારી સોંપી છે. તેમને ઓડિશાના કોંગ્રેસના પ્રદેશ પ્રમુખ બનાવવામાં આવ્યા છે. એઆઈસીસીના મહાસચિવ કે.સી. વેણુગોપાલે એક પ્રેસ રિલીઝ દ્વારા આ માહિતી આપી છે. આ નિમણૂક તાત્કાલિક અમલમાં આવશે.

GSTVની એપ્લિકેશન ડાઉનલોડ કરો

   

https://twitter.com/INCIndia/status/1889302063827361837

ભક્ત ચરણ દાસ અગાઉ વિવિધ મહત્વપૂર્ણ પદો પર રહી ચૂક્યા છે અને તેમની ગણતરી પાર્ટીના વરિષ્ઠ નેતાઓમાં થાય છે. તેમની નિમણૂક એવા સમયે થઈ છે જ્યારે ઓડિશામાં રાજકીય વાતાવરણ ઝડપથી બદલાઈ રહ્યું છે અને કોંગ્રેસ 2024ની ચૂંટણી પછી પોતાની સ્થિતિ મજબૂત કરવાનો પ્રયાસ કરી રહી છે.

રાજકીય સમીકરણો પર શું અસર પડશે?

વિશ્લેષકોના મતે, ભક્ત ચરણ દાસની નિમણૂકથી ઓડિશા કોંગ્રેસમાં નવી ઉર્જા આવવાની અપેક્ષા છે. હવે રાજ્યમાં પાર્ટીની રણનીતિને વધુ શાર્પ બનાવવાની અને સંગઠનને મજબૂત બનાવવાની જવાબદારી તેમની રહેશે. તેઓ આગામી દિવસોમાં તેમની નવી કારોબારી અને વ્યૂહરચના જાહેર કરી શકે છે.

કોંગ્રેસ હાઈકમાન્ડના આ નિર્ણય બાદ પ્રદેશ કોંગ્રેસના કાર્યકરોમાં ઉત્સાહ જોવા મળી રહ્યો છે. હવે જોવાનું એ રહે છે કે ભક્ત ચરણ દાસના નેતૃત્વમાં પાર્ટી આગામી ચૂંટણી પડકારોનો કેવી રીતે સામનો કરે છે.