Last Update :
09 Apr 2025
રસ્તા પર પેશાબ કરવો કાયદાકીય રીતે દંડનીય છે પરંતુ તેમ છતાં લોકો શહેરના રસ્તાઓના કિનારાઓ પર પેશાબ કરતા હોય છે. જોકે ચોંકાવનારી વાત એ છે કે, આવી સ્થિતિ માત્ર રસ્તાઓ પર જ નહીં સરકારી કચેરીઓની બહાર પણ જોવા મળી હોય તેવો કિસ્સો સામે આવ્યો છે. વાસ્તવમાં દિલ્હીનો એક વીડિયો સોશિયલ મીડિયા પર ખૂબ વાયરલ થયો છે, જેમાં એક વ્યક્તિ પૃથ્વી વિજ્ઞાન મંત્રાલય બહાર રસ્તા પર પેશાબ કરતો જોવા મળી રહ્યો છે. આ વીડિયો જોયા બાદ અનેક યુઝર્સો રોષે ભરાયા છે અને તેઓ સિવિક સેન્સ યાદ અપાવી રહ્યા છે. કેટલાકે તો તેના પર હાસ્યાસ્પદ કોમેન્ટે પણ કરી છે.
GSTVની એપ્લિકેશન ડાઉનલોડ કરો
https://twitter.com/desimojito/status/1909670629730599377
કાર ચાલકે પેશાબ કરનાર વ્યક્તિને ટોક્યો ને વીડિયો પણ બનાવ્યો
સોશિયલ મીડિયા પર ખૂબ વાયરલ થયેલો આ વીડયો છ સેકન્ડનો છે, જેમાં સફેદ પેન્ટ-શર્ટ પહેલો એક વ્યક્તિ ફુટપાથ પર પેશાબ કરતો જોવા મળી રહ્યો છે અને તે જ્યાં ઉભો છે, ત્યાં તેની સામે ‘પૃથ્વી વિજ્ઞાન મંત્રાલય’ લખેલું છે. લોદી રોડ સ્થિત મંત્રાલય બહારની આ ઘટનામાં એક કાર ચાલકે તે વ્યક્તિને ટોક્યો હતો અને સાથે વીડિયો પણ ઉતાર્યો હતો. તેણે વીડિયો ઉતારતી વખતે પેશાબ કરનાર વ્યક્તિને કહ્યું કે, ‘ઓ...કાકા.... મૂત્રાલય નહીં મંત્રાલય લખ્યું છે.’
વાયરલ વીડિયો પર યુઝર્સોએ જાત-ભાતની કોમેન્ટ કરી
આ વીડિયો દેસી મોજિતો નામના એક્સ હેન્ડલ પર શેર કરવામાં આવ્યો છે, જેમાં લખાયું છે કે, ‘મંત્રાલય બહાર પેશાન કરનાર વ્યક્તિમાં કોઈપણ પ્રકારની સિવિક સેન્સ નથી અને પછી તેઓ સરકારને દોષ આપશે. જે લોકો કહી રહ્યા છે કે, સરકારે વધુ પબ્લિક ટૉયલેટ બનાવવા જોઈએ, તેઓને હું કહું છું કે, દિવાલની પાસે જ પબ્લિક ટૉયલેટ છે.’ આ વીડિયો સોશિયલ મીડિયા પર વાયરલ થઈ રહ્યો છે. લોકો વિવિધ પ્રકારની ટિપ્પણીઓ કરી રહ્યા છે. કેટલાક લોકોએ આના પર મીમ્સ પણ બનાવ્યા તો કેટલાકે તેને ગંભીર સમસ્યા ગણાવી અને રસ્તાઓ પર વધુ શૌચાલય બનાવવાની માંગ કરી રહ્યા છે. કેટલાક યુઝર્સોએ કોમેન્ટ કરી છે કે, આવા લોકો આદતથી મજબૂર છે.
