Last Update :
18 May 2025
'ઓપરેશન સિંદૂર' વિશે સોશિયલ મીડિયા પોસ્ટના સંબંધમાં હરિયાણાના સોનીપતમાં અશોક યુનિવર્સિટીના એક એસોસિયેટ પ્રોફેસરની ધરપકડ કરવામાં આવી છે. આરોપી પ્રોફેસરનું નામ અલી ખાન મહમુદાબાદ છે. રવિવારે આ અંગે માહિતી આપતા પોલીસે જણાવ્યું હતું કે ભાજપ યુવા મોરચાના નેતાની ફરિયાદ પર અશોક યુનિવર્સિટીના એસોસિયેટ પ્રોફેસર અલી ખાન મહમુદાબાદ વિરુદ્ધ કાર્યવાહી કરવામાં આવી હતી.
GSTVની એપ્લિકેશન ડાઉનલોડ કરો
ફેકલ્ટી સભ્યની ધરપકડ પર પ્રતિક્રિયા આપતા, યુનિવર્સિટીએ કહ્યું છે કે અમે આ બાબતમાં વિગતવાર માહિતી એકઠી કરી રહ્યા છીએ અને પોલીસને સહયોગ કરવાનું ચાલુ રાખીશું.
પ્રોફેસર અલી ખાન મહમૂદાબાદની દિલ્હીથી ધરપકડ કરવામાં આવી
એસીપી અજિત સિંહે ફોન પર જણાવ્યું હતું કે, "પ્રોફેસર અલી ખાન મહમૂદાબાદની દિલ્હીથી ધરપકડ કરવામાં આવી છે." તેમણે કહ્યું કે 'ઓપરેશન સિંદૂર' સંબંધિત કેટલીક ટિપ્પણીઓના સંબંધમાં તેમની ધરપકડ કરવામાં આવી છે. હરિયાણા રાજ્ય મહિલા આયોગે તાજેતરમાં જ એસોસિયેટ પ્રોફેસરને 'ઓપરેશન સિંદૂર' પરની તેમની ટિપ્પણીઓ અંગે નોટિસ મોકલી હતી.
12 મેના રોજ મોકલવામાં આવેલી નોટિસમાં ઉલ્લેખ કરવામાં આવ્યો છે કે મહિલા આયોગે 7 મેના રોજ અથવા તેની આસપાસ સોનીપતની અશોકા યુનિવર્સિટીના રાજકીય વિજ્ઞાન વિભાગના વડા મહમૂદાબાદ દ્વારા જાહેર નિવેદનો અને ટિપ્પણીઓનું સ્વતઃ ધ્યાન લીધું છે.
22 એપ્રિલના રોજ કાશ્મીરના પહેલગામમાં થયેલા આતંકવાદી હુમલા બાદ 'ઓપરેશન સિંદૂર'ના ભાગ રૂપે ભારતીય સેનાએ 6 મેના રોજ પાકિસ્તાન અને પાકિસ્તાન અધિકૃત કાશ્મીર (PoK)માં નવ આતંકવાદી લોન્ચ પેડ પર એક સાથે હુમલા કર્યા હતા.
એસોસિયેટ પ્રોફેસરે પાછળથી કહ્યું હતું કે કમિશને તેમની ટિપ્પણી "ખોટી રીતે" સમજી હતી. મહમૂદબાદે 'X' પર લખ્યું હતું કે, "...મને આશ્ચર્ય થાય છે કે મહિલા આયોગે તેના અધિકારક્ષેત્રની બહાર જઈને મારી પોસ્ટને એટલી હદે ખોટી રીતે વાંચી અને ખોટી રીતે અર્થઘટન કર્યું કે તેમણે તેનો અર્થ બદલી નાખ્યો."
