દારૂના નશામાં ધૂત પતિએ દીકરાની સામે જ પત્નીને મારી ગોળી, જાણો ક્યાં બની આ ઘટના

કર્ણાટકમાં એક ચોંકાવનારી ઘટના સામે આવી છે, જ્યાં એક વ્યક્તિએ પોતાના પુત્રની સામે જ પોતાની પત્નીને ગોળી મારી દીધી. ગોળી વાગવાથી પત્નીનું મોત થયું. બાદમાં તે વ્યક્તિએ પણ ઝેર પીને આત્મહત્યા કરી લીધી. આ ઘટના મેંગલુરુથી લગભગ 85 કિમી દૂર દક્ષિણ કન્નડ જિલ્લાના સુલિયા તાલુકાની છે. શુક્રવારે મોડી રાત્રે, પારિવારિક વિવાદના કારણે વ્યક્તિએ આ પગલું ભર્યું. ઘટના સમયે તે વ્યક્તિ નશામાં હતો. પોલીસે શનિવારે આ અંગે સંપૂર્ણ માહિતી આપી.

GSTVની એપ્લિકેશન ડાઉનલોડ કરો

   

ગોળી વાગવાથી પત્નીનું મોત

ઘટના અંગે માહિતી આપતાં દક્ષિણ કન્નડના પોલીસ અધિક્ષક એન યતીશે જણાવ્યું હતું કે મૃતકોની ઓળખ વિનોદા (43) અને તેના પતિ રામચંદ્ર ગૌડા ઉર્ફે ચંદ્ર (54) તરીકે થઈ છે. તેમણે કહ્યું કે પારિવારિક વિવાદ બાદ રામચંદ્રએ પોતાની લાઇસન્સવાળી રિવોલ્વરથી પોતાની પત્નીને ગોળી મારી દીધી. ગોળી વાગવાથી તેમની પત્નીનું ઘટનાસ્થળે જ મોત નીપજ્યું. તેણે કહ્યું કે રામચંદ્ર નશાની હાલતમાં ઘરે પાછો ફર્યો હતો. બપોરના ભોજન પછી તેણે પહેલા તો તેના માતાપિતા સાથે નાની વાત પર ઝઘડો કરવાનું શરૂ કર્યું. પછીથી તેણે તેની પત્ની અને પુત્ર સાથે ઝઘડો શરૂ કર્યો.

તેણે પોતે પણ ઝેર ખાધું

એસપી એન યતીશે જણાવ્યું હતું કે ઝઘડો ટૂંક સમયમાં વકર્યો અને ગુસ્સામાં રામચંદ્રએ તેમના પુત્ર પ્રશાંત પર રિવોલ્વર તાકી દીધી. જોકે, તેમની પત્ની વિનોદા તેમના પુત્રને બચાવવા દોડી ગઈ. આ દરમિયાન રામચંદ્રએ ટ્રિગર દબાવ્યું અને ગોળી વાગવાથી વિનોદાનું ઘટનાસ્થળે જ મોત થયું. આ પછી, રામચંદ્રએ પોતે ઘરમાં રાખેલ એસિડ પી લીધું જેનો ઉપયોગ રબર શીટ બનાવવા માટે થતો હતો. થોડી વારમાં તે પણ મૃત્યુ પામ્યો. પોલીસ અધિક્ષક યતીશે જણાવ્યું હતું કે મૃતક દંપતીના પુત્ર પ્રશાંતની ફરિયાદ પર સુલિયા પોલીસ સ્ટેશનમાં કેસ નોંધવામાં આવ્યો છે. તેમણે કહ્યું કે આ મામલાની તપાસ કરવામાં આવી રહી છે.