'પાર્લામેન્ટમાં પેલેસ્ટાઈન લખેલી બેગ લઈને જવું એ હિંમતનું કામ', પાકિસ્તાનના પૂર્વ મંત્રીએ કર્યા પ્રિયંકા ગાંધીના વખાણ

કોંગ્રેસ સાંસદ પ્રિયંકા ગાંધી સોમવારે પેલેસ્ટાઈન લખેલી બેગ લઈને સંસદ પહોંચ્યા હતા. હવે પાકિસ્તાનમાં પણ તેના પગલાના વખાણ થઈ રહ્યા છે. પાકિસ્તાનના પૂર્વ મંત્રી ફવાદ હસન ચૌધરીએ પ્રિયંકા ગાંધીની આ તસવીર સોશિયલ મીડિયા પ્લેટફોર્મ X પર શેર કરી છે.

GSTVની એપ્લિકેશન ડાઉનલોડ કરો

   

શું કહ્યું ફવાદ ચૌધરીએ?

પાકિસ્તાની નેતા ફવાદ ચૌધરીએ લખ્યું, 'જવાહરલાલ નેહરુ જેવા મહાન સ્વતંત્રતા સેનાનીની પૌત્રી પાસેથી આપણે બીજી શું અપેક્ષા રાખી શકીએ? પ્રિયંકા ગાંધી વામન વચ્ચે ઉંચા ઉભા છે, શરમજનક વાત છે કે આજ સુધી પાકિસ્તાની સંસદના કોઈ સભ્યે આવી હિંમત દાખવી નથી.

https://twitter.com/fawadchaudhry/status/1868619968058909123

પ્રિયંકા ગાંધી સંસદમાં જે બેગ લઈને ગયા હતા તેના પર "પેલેસ્ટાઈન" લખેલું હતું અને તરબૂચ જેવા પેલેસ્ટિનિયન પ્રતીકો પણ હતા, જે પેલેસ્ટિનિયન એકતાનું પ્રતીક માનવામાં આવે છે. તરબૂચ પેલેસ્ટિનિયન સંસ્કૃતિનો મહત્વપૂર્ણ ભાગ છે. કાપેલા તરબૂચની તસવીર અને ઈમોજીનો ઉપયોગ ઘણીવાર પેલેસ્ટાઈનના લોકો સાથે એકતા દર્શાવવા માટે થાય છે.

આ પણ વાંચો: લોકસભા: વન નેશન વન ઈલેક્શન બિલ આજે રજૂ થશે, ભાજપે સાંસદો માટે વ્હીપ જાહેર કર્યો

 પ્રિયંકા ગાંધી પેલેસ્ટાઈન અને ગાઝાના પીડિતો માટે સતત અવાજ ઉઠાવી રહી છે. આ વર્ષે ઓક્ટોબરમાં હમાસ અને ઇઝરાયેલ વચ્ચે શરૂ થયેલા યુદ્ધને એક વર્ષ વીતી ગયા બાદ પણ પ્રિયંકા ગાંધીએ ઇઝરાયેલ પર નિશાન સાધ્યું હતું. ગાઝામાં વધી રહેલા મૃત્યુ વચ્ચે પ્રિયંકાએ ઈઝરાયેલ પર હુમલો કર્યો હતો. ગાઝા પર દરેક આંતરરાષ્ટ્રીય કાયદાનું ઉલ્લંઘન કરવાનો આરોપ લગાવતા પ્રિયંકાએ કહ્યું હતું કે 7,000 લોકોની હત્યા બાદ પણ હિંસાની પ્રક્રિયા અટકી નથી. તેમાંથી 3,000 માસૂમ બાળકો હતા. વાયનાડમાં ચૂંટણી લડતી વખતે પણ પ્રિયંકા ગાંધીએ પેલેસ્ટાઈનનો મુદ્દો સતત ઉઠાવ્યો હતો.