Last Update :
09 May 2025
ફરી એકવાર ભારતીય સેનાએ પાકિસ્તાનની નાપાક હરકતોને નિષ્ફળ બનાવી દીધી છે. ગુરુવારે રાત્રે પાકિસ્તાને જમ્મુ-કાશ્મીર, રાજસ્થાન, પંજાબ અને ગુજરાતના સરહદી વિસ્તારો પર મિસાઇલ અને ડ્રોનથી હુમલો કરવાનો પ્રયાસ કર્યો હતો, જેને ભારતીય સંરક્ષણ પ્રણાલીએ નિષ્ફળ બનાવ્યો હતો.
GSTVની એપ્લિકેશન ડાઉનલોડ કરો
સેનાએ એક વીડિયો બહાર પાડ્યો
આ દરમિયાન, સેનાએ એક વીડિયો બહાર પાડ્યો છે જેમાં દેખાડ્યું છે કે તેણે દુશ્મનના આતંકવાદી ઠેકાણાઓનો નાશ કેવી રીતે કર્યો. સેનાએ જણાવ્યું હતું કે 8 અને 9 મે 2025ની રાત્રે, પાકિસ્તાન સેનાએ પશ્ચિમી સરહદ પર એક સાથે અનેક હુમલાઓનો પ્રયાસ કર્યો.
https://twitter.com/adgpi/status/1920667234416177654
પાકિસ્તાન દ્વારા ડ્રોન અને અન્ય હથિયારોનો ઉપયોગ કરીને ભારતીય સરહદોને નિશાન બનાવવામાં આવી હતી. આ સાથે જ જમ્મુ અને કાશ્મીરમાં નિયંત્રણ રેખા (LoC) પર ઘણી વખત યુદ્ધવિરામનું ઉલ્લંઘન કરવામાં આવ્યું હતું.
ભારત-પાકિસ્તાન વચ્ચે વધ્યું ઘર્ષણ
પહલગામ આતંકવાદી હુમલા બાદ ભારત અને પાકિસ્તાન વચ્ચે ઘર્ષણ વધ્યું છે, ત્યારે પાકિસ્તાને ગુરુવારે (8 મે, 2025) જમ્મુ, પઠાણકોટ અને ઉધમપુરમાં સેના સ્ટેશનો પર મિસાઈલ-ડ્રોન વડે હુમલો કરવાનો નિષ્ફળ પ્રયાસ કર્યો હતો. જેમાં ભારતીય એર ડિફેન્સ સિસ્ટમ દ્વારા તમામ પાકિસ્તાની મિસાઈલ અને ડ્રોનને આકાશ પર જ તોડી પાડવામાં આવ્યા હતા. જો કે આ હુમલામાં કોઈ પણ પ્રકારે ભારતને નુકસાન ન થયું હોવાનું સંરક્ષણ મંત્રાલયે જણાવ્યું હતું. ભારત પોતાની સાર્વભૌમત્વની રક્ષા કરવા અને લોકોની સુરક્ષા સુનિશ્ચિત કરવા માટે સંપૂર્ણપણે તૈયાર છે તેવું જણાવવામાં આવ્યું હતું.
