જમ્મુ-કાશ્મીર/ MAM સ્ટેડિયમને બોમ્બથી ઉડાવવાની ધમકી, પોલીસ હાઈ એલર્ટ પર

આજે ભારત તેનો 76મો પ્રજાસત્તાક દિવસ ઉજવી રહ્યું છે. દેશના ખૂણે ખૂણે લોકો પ્રજાસત્તાક દિવસની ઉજવણીમાં ડૂબેલા છે. દેશની દરેક શેરી દેશભક્તિના ગીતોથી ગુંજી રહી છે. આ દરમિયાન, જમ્મુ-કાશ્મીરના MAM સ્ટેડિયમને બોમ્બથી ઉડાવી દેવાની ધમકીનો મામલો પ્રકાશમાં આવ્યો છે. રવિવારે જમ્મુ પોલીસને ઈમેલ દ્વારા બોમ્બથી ઉડાવી દેવાની ધમકી મળી હતી. જેમાં કેન્દ્રશાસિત પ્રદેશમાં યોજાનાર સત્તાવાર પ્રજાસત્તાક દિવસની ઉજવણીના સ્થળને બોમ્બથી ઉડાવી દેવાની ધમકી આપવામાં આવી છે. સરકારનો આ સત્તાવાર કાર્યક્રમ MAM સ્ટેડિયમ ખાતે યોજાશે.

GSTVની એપ્લિકેશન ડાઉનલોડ કરો

   

મુખ્ય કાર્યક્રમ રાજ્યના ઉપરાજ્યપાલ મનોજ સિંહા અને મુખ્યમંત્રી ઓમર અબ્દુલ્લાની હાજરીમાં સ્ટેડિયમમાં યોજાશે. બોમ્બની ધમકી મળ્યા બાદ આખા સ્ટેડિયમની તપાસ કરવામાં આવી હતી. સુરક્ષા એજન્સીઓએ આખું સ્ટેડિયમ ખાલી કરાવી દીધું છે. જોકે, રાહતની વાત એ છે કે પોલીસને તપાસમાં હજુ સુધી કંઈ શંકાસ્પદ મળ્યું નથી.