VIDEO: 'રામ મંદિર માટે સત્તા ગુમાવવી પડે તો પણ કોઈ સમસ્યા નથી', અયોધ્યામાં યોગીનું મોટું નિવેદન

રામનગરી અયોધ્યા પહોંચેલા મુખ્યમંત્રી યોગી આદિત્યનાથે કહ્યું કે, મારી ત્રણ પેઢીઓ શ્રી રામ જન્મભૂમિ આંદોલન માટે સમર્પિત હતી, મને કોઈ સમસ્યા નહોતી, પરંતુ નોકરશાહીમાં એક મોટો વર્ગ હતો જે સરકારી વ્યવસ્થા સાથે જોડાયેલો છે, જે કહેતો હતો કે મુખ્યમંત્રી તરીકે અયોધ્યા જવાથી વિવાદ સર્જાશે.

GSTVની એપ્લિકેશન ડાઉનલોડ કરો

   

અમે કહ્યું કે જો કોઈ વિવાદ ઊભો થાય તો રહેવા દો... પરંતુ અયોધ્યા વિશે કંઈક વિચારવાની જરૂર છે. પછી એક જૂથે કહ્યું કે, તમે જાઓ અને પછી આપણે રામ મંદિર વિશે વાત કરીશું. તો મેં કહ્યું કે અમે અહીં સત્તા માટે નથી આવ્યા. ભલે રામ મંદિર માટે સત્તા ગુમાવવી પડે, તેમાં કોઈ સમસ્યા ન હોવી જોઈએ.

https://twitter.com/myogiadityanath/status/1902977146085315003

શુક્રવારે મુખ્યમંત્રી રામનગરી પહોંચ્યા

મુખ્યમંત્રી યોગી આદિત્યનાથ શુક્રવારે રામનગરી પહોંચ્યા. તેઓ સવારે ૯.૩૦ વાગ્યે હેલિકોપ્ટર દ્વારા રામકથા પાર્ક પહોંચ્યા હતા ત્યાંથી સવારે ૧૧ વાગ્યે રાજસદન ખાતે આયોજિત 'ટાઈમલેસ અયોધ્યા' કાર્યક્રમનું ઉદ્ઘાટન કર્યું.

આ પહેલા તેમણે રામલલા અને બજરંગબલીની પૂજા દર્શન કર્યા. ત્યાર બાદ કાર્યક્રમ ઉદ્ઘાટન પછી રામકથા પાર્ક ખાતે મુખ્યમંત્રી યુવા ઉદ્યોગસાહસિક વિકાસ અભિયાન હેઠળ લાભાર્થીઓને લોનનું વિતરણ કર્યું.  સમીક્ષા બેઠક બપોરે ૧૨ વાગ્યે કમિશનર ઓફિસ ઓડિટોરિયમમાં યોજાઈ હતી. બપોરે ૧.૨૫ વાગ્યે અમૃત બોટલર્સ ખાતે આયોજિત પ્લાન્ટ વિસ્તરણનું ઉદ્ઘાટન કર્યું.