કોઈપણ સમયે પાકિસ્તાન પર થશે આકરો પ્રહાર, PM મોદીની અધ્યક્ષતામાં CCSની બેઠક પછી CCPAની વિશેષ મિટિંગ

 પહેલગાંવ આતંકીહુમલા પછી ભારત-પાક. વચ્ચે સતત તંગદિલી વધતી જાય છે. બીજી તરફ પાકિસ્તાનના નેતાઓ બેફામ નિવેદનો કરી રહ્યા છે. પહેલગાંવ હુમલા પછી સમગ્ર દેશમાં આક્રોશ છે. આજે સવારે ૧૧ વાગે કેબિનેટ કમિટી ઓફ સિક્યોરિટી (CCS)ની બેઠક મળશે. તેમાં સંરક્ષણ સહિત અન્ય તમામ તૈયારીઓ વિષે ચર્ચા થશે. CCSની બેઠક પછી વડાપ્રધાનની અધ્યક્ષતામાં  CCPA (કેબિનેટ કમીટી ઓન પોલિટિકલ અફેર્સ)ની પણ મહત્ત્વની બેઠક મળશે.

GSTVની એપ્લિકેશન ડાઉનલોડ કરો

   

આજે સવારે ૧૧ વાગે કેબિનેટ કમિટી ઓફ સિક્યોરિટી (CCS)ની બેઠક

CCPAની બેઠકમાં સંરક્ષણ મંત્રી રાજનાથ સિંહ ગૃહમંત્રી અમિત શાહ વાહન વ્યવહાર મંત્રી નીતિન ગડકરી આરોગ્ય મંત્રી જે.પી.નડ્ડા વિત્ત મંત્રી નિર્મલા સીતા રામન્ ઉપરાંત જીતન રામા માંઝી, સર્વાનંદ સોનેવાલ, રાજમોહન નાયડુ વગેરે ઉપસ્થિત રહેશે. દરમિયાન ત્રણે સેનાઓને હાઈ એલર્ટ પર મુકી દેવાઈ છે. પાક. રાજદ્વારીઓને દેશ છોડવા કહી દેવાયું છે.

દુનિયાભરમાંથી પાકિસ્તાન પર ફિટકાર 

પહેલગાંવ હુમલા પછી ભારતે પાકિસ્તાન ઉપર બહુવિધ રાજદ્વારી સ્ટ્રાઈક કરી છે. તેને વિશ્વચોકમાં ઉઘાડું પાડી દીધું છે. મિત્ર રાષ્ટ્રો સાથે મંત્રણા કરી લીધી છે. દુનિયાભરમાંથી પાકિસ્તાન પર ફિટકાર વરસે છે. ભારત હવે કશાંક કઠોર પગલાં લેશે. તેમ માની પાકિસ્તાને ગુરૂવારે તેની સંરક્ષણ સમિતિની બેઠક બોલાવી હતી.

આ પણ વાંચો :

પહેલગામ હુમલો: PM મોદીની અધ્યક્ષતામાં CCS બેઠક પૂર્ણ; ગૃહમંત્રી, સંરક્ષણ મંત્રી અને NSA રહ્યા હાજર

Pahalgam Attack: બીજી એરસ્ટ્રાઈકની તૈયારી? PoKમાં 42 આતંકવાદી કેમ્પ પર ભારતીય સેનાની નજર; જાણો CCS બેઠકમાં શું ચર્ચા થઈ

રાજ્યોની પોલીસ, SRP અને હોમગાર્ડ્ઝને એલર્ટ

પહેલગાંવ હુમલા પછી ભારતે ઝડપભેર પગલાં લેવાં શરૂ કરી દીધાં છે. સરહદે બોર્ડર સિક્યોરિટી ફોર્સ (BSF)ને સતત સતર્ક રહેવા જણાવી દીધું છે. તેમજ રાજ્યોને તેમની પોલીસ, SRP તથા હોમગાર્ડઝને સતર્ક રાખવા કહી દીધું છે. ભારતે હવે પાકિસ્તાનને બરોબરનો પાઠ ભણાવવા નિર્ણય કર્યો છે. તે માટે બહુવિધ ખાતાઓ તો લેવાશે જ પરંતુ તે પૈકી પાંચ મહત્ત્વનાં પગલાંઓ જે લેવામાં આવશે તે આ પ્રમાણે છે