મહારાષ્ટ્ર ચૂંટણી માટે ઉદ્ધવ જૂથે વધુ 15 ઉમેદવારોના નામ જાહેર કર્યા, જાણો કોને ક્યાંથી મળી ટિકિટ

મહારાષ્ટ્ર વિધાનસભા ચૂંટણી 2024 માટે ઉદ્ધવ ઠાકરેના જૂથ શિવસેનાએ 15 ઉમેદવારોની બીજી યાદી જાહેર કરી છે. જેમાં ધુલે શહેરમાંથી અનિલ ગોટે અને ચોપરા (એઝેડ)થી રાજુ તડવીને ટિકિટ આપવામાં આવી છે. આ ઉપરાંત જલગાંવ શહેરમાંથી જયશ્રી સુનીલ મહાજન, બુલઢાણાથી જયશ્રી શેલ્કે, દિગ્રાસથી પવન શ્યામલાલ જયસ્વાલ, હિંગોલીથી રૂપાલી રાજેશ પાટીલ અને પરતુરથી આસારામ બોરાડેને મેદાનમાં ઉતારવામાં આવ્યા છે.

GSTVની એપ્લિકેશન ડાઉનલોડ કરો

   

ઉદ્ધવ જૂથે દેવલાલી (SC), કલ્યાણ પશ્ચિમથી સચિન બસરે, કલ્યાણ પૂર્વથી ધનંજય બોડારે, વડાલાથી શ્રદ્ધા શ્રીધર જાધવ, શિવાડીથી અજય ચૌધરી, ભાયખલાથી મનોજ જામસુતકર, શ્રીગોંદાથી અનુરાધા રાજેન્દ્ર નાગવડેને ઉદ્ધવ ઠાકરે જૂથ તરફથી ટિકિટ મળી છે.

મહારાષ્ટ્રની 80 બેઠકો પર ઉદ્ધવ ઠાકરેના ઉમેદવારો નક્કી થયા

જણાવી દઈએ કે શિવસેના યુબીટીએ પોતાની પ્રથમ ઉમેદવાર યાદીમાં 65 ઉમેદવારોના નામ જાહેર કર્યા હતા. હવે 15 વધુ ઉમેદવારોનું નામ જાહેર કરીને કુલ 80 સીટોના ઉમેદવાર જાહેર કરી દીધા છે. મહાવિકાસ અઘાડીની 85+85+85ની ફોર્મ્યુલા નક્કી કરવામાં આવી છે, બાકીની બેઠકો પર MVA તેના સહયોગીઓને ટિકિટ આપી શકે છે. આ મુજબ, ઉદ્ધવ ઠાકરે ટૂંક સમયમાં વધુ પાંચ બેઠકો પર ઉમેદવારોના નામ જાહેર કરી શકે છે.