Last Update :
02 Dec 2024
ઉત્તર પ્રદેશના મુરાદાબાદમાં એક મહિલા કોન્સ્ટેબલ પર નિર્દયતાથી હુમલો કરવામાં આવ્યો. આ લડાઈનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે કેવી રીતે એક મહિલા કોન્સ્ટેબલ સિવિલ ડ્રેસમાં રોડ પર જઈ રહી છે, ત્યારે બાઇક પર સવાર વ્યક્તિ તેને કંઈક કહે છે. દલીલ પછી, લડાઈ શરૂ થાય છે. આ દરમિયાન, પુરુષે મહિલાને ધક્કો માર્યો અને તેને જમીન પર પછાડી દીધી. લડાઈ દરમિયાન લોકોનું ટોળું એકઠું થાય છે. જ્યારે તેઓ દરમિયાનગીરી કરે છે, ત્યારે હુમલાખોર બાઇક છોડીને સ્થળ પરથી ભાગી જાય છે.
GSTVની એપ્લિકેશન ડાઉનલોડ કરો
હાલમાં પીડિત મહિલા કોન્સ્ટેબલે મુરાદાબાદના સિવિલ લાઈન્સ પોલીસ સ્ટેશનમાં આરોપીઓ વિરુદ્ધ FIR નોંધાવી છે, જેમાં 4 નામના અને 6 અજાણ્યા લોકોનો સમાવેશ થાય છે. આ અંગે એસપી સિટીએ જણાવ્યું કે, આરોપીઓને શોધવા માટે ટીમો તૈનાત કરવામાં આવી છે. ટૂંક સમયમાં તેમની ધરપકડ કરવામાં આવશે અને તેમની સામે કડક કાર્યવાહી કરવામાં આવશે. ઘટના 30 નવેમ્બરની છે.
હુમલો કરનાર કોણ છે?
મળતી માહિતી મુજબ મહિલા કોન્સ્ટેબલનું નામ અમરીન છે. તાજેતરમાં તે સિવિલ લાઇન વિસ્તારના એક રોડ પર ચાલી રહી હતી. આ દરમિયાન પાછળથી એક બાઇક સવાર આવે છે અને અમરીનને કંઈક કહે છે. જ્યારે અમરીન જવાબ આપે છે, ત્યારે તે બાઇક પરથી નીચે ઉતરી જાય છે અને તેના પર હુમલો કરવાનું શરૂ કરે છે.
તે વ્યક્તિ અમરીનને રસ્તાની એક બાજુથી બીજી તરફ ખેંચે છે. આ દરમિયાન બંને જમીન પર પડી જાય છે પરંતુ તે વ્યક્તિ અમરીનને મારતો રહે છે. કેટલાક લોકો દરમિયાનગીરી પણ કરે છે પરંતુ અટકતો નથી. એટલામાં વધુ બે લોકો આવે છે. તેમાંથી એક અમરીન સાથે ઝઘડો કરે છે અને બીજો એક વ્યક્તિની બાઇક છીનવી લેવાનો પ્રયાસ કરે છે, પરંતુ બાઇક સ્ટાર્ટ થતી નથી. ધીમે ધીમે ભીડ એકઠી થતી જોઈને બધા પગપાળા ભાગી જાય છે.
કોન્સ્ટેબલ અમરીને પોલીસ સ્ટેશન સિવિલ લાઇનમાં આપેલી ફરિયાદ મુજબ તે સિવિલ લાઇન પોલીસ સ્ટેશનના સર્કલમાં રહે છે. 30મીએ સાંજના ત્રણ વાગ્યાના અરસામાં તે તેના મકાન માલિકના ઘરે જતી હતી ત્યારે પાંચ-છ અજાણ્યા ઈસમો સાથે ઉભેલા ઈરફાન અને સલીમે તેને બૂમ મારી, પછી તેની સાથે ઝઘડો કરવાનું ચાલુ કરે છે. અમરીનને થપ્પડ મારી દીધી. પછી તેને માર મારી બીભત્સ ગાળો બોલવાનું ચાલુ કર્યું હતું. તેને રસ્તાની બીજી બાજુએ ખેંચી ગયો. આ દરમિયાન તેના અન્ય મિત્રો પણ આવીને ગાળો બોલવા લાગ્યા હતા.
અમરીનના કહેવા પ્રમાણે, જે લોકોએ દરમિયાનગીરી કરી તેઓ નઈમ-નઈમ નામ લઈ રહ્યા હતા. તે ખોટા ઈરાદે શરીરને સ્પર્શી ગળું દબાવવણો પ્રયાસ કરી રહ્યો હતો. હુમલાખોરોએ મહિલાને પેટમાં લાત મારી, જેના કારણે લોહી નીકળવા લાગ્યું. નઇમની બહેન પણ ત્યાં આવી હતી અને મારપીટ કરી હતી અને ફરીથી માર મારવાનો પ્રયાસ કર્યો હતો. જ્યારે ત્યાં હાજર લોકોને અમરીને જણાવ્યું કે તે એક કોન્સ્ટેબલ છે તો હાજર ભીડ ત્યાંથી વિખેરાઈ ગઈ હતી. હાલમાં અમરીનના માથા અને ઘૂંટણમાં ગંભીર ઈજાઓ છે.
સિવિલ લાઇન્સ પોલીસ સ્ટેશનમાં અમરીન દ્વારા આપવામાં આવેલી ફરિયાદના આધારે, મિલક, ચક્કરના રહેવાસી ઈરફાન, સલીમ, નઈમ અને નઈમની બહેન નામના છ અજાણ્યા લોકો વિરુદ્ધ કેસ નોંધવામાં આવ્યો છે. પોલીસે ભારતીય ન્યાય સંહિતા 2023ની કલમ 191(2), 315(2), 352 અને કલમ 76 હેઠળ કેસ નોંધ્યો છે. તે જ સમયે, એસપી સિટીએ કહ્યું કે એક મહિલા કોન્સ્ટેબલે સિવિલ લાઇન્સ પોલીસ સ્ટેશન વિસ્તારમાં ફરિયાદ નોંધાવી છે અને કેસ દાખલ કર્યો છે. આ માટે એક ટીમ બનાવીને કાર્યવાહી કરવામાં આવી રહી છે. ટૂંક સમયમાં ધરપકડ પણ કરવામાં આવશે.
અખિલેશ યાદવે સવાલો ઉઠાવ્યા હતા
આ મામલે સપા પ્રમુખ અખિલેશ યાદવે સવાલ ઉઠાવતા કહ્યું કે યુપીમાં મહિલાઓ કેટલી સુરક્ષિત છે, પુરાવા જુઓ. આ તસવીર મુરાદાબાદની છે, જ્યાં યુવકો મહિલા કોન્સ્ટેબલની જાહેરમાં છેડતી કરે છે અને જ્યારે તેણી વિરોધ કરે છે ત્યારે તેમને માર પણ મારવામાં આવે છે. આરોપીઓ સામે કડક કાર્યવાહી થવી જોઈએ.
https://twitter.com/SocialistLeadr/status/1863241153086464315
