‘જુરાસિક પાર્ક’ એક એવી ફિલ્મ હતી જે આબાલ-વૃદ્ધ સૌ કોઈને પસંદ આવી હતી. આ ફિલ્મ પછી એની અનેક સિક્વલ પણ રિલીઝ થઈ. પ્રત્યેક ફિલ્મમાં માનવ વિરુદ્ધ ડાયનોસોરનો જંગ દેખાડાયો છે. સાડા છ કરોડ વર્ષ અગાઉ નામશેષ થઈ ગયેલા ડાયનોસોરને પુનઃજીવિત કરી શકાય કે કેમ, કરવા જોઈએ કે નહીં, એ બાબત પણ અવારનવાર ચર્ચાતી રહે છે. સાચુકલા ડાયનોસોર તો જીવતાં થાય કે નહીં, પણ લોકોના મનોરંજન માટે નકલી ડાયનોસોરના થીમ પાર્ક જરૂર બન્યા છે અને એવો એક જુરાસિક પાર્ક તાજેતરમાં સિંગાપોરમાં શરૂ થયો છે.

