Last Update :
12 Apr 2025
સુરત શહેરના કાપોદ્રા વિસ્તારમાં વર્ષના સૌથી ચોંકાવનારા બનાવોમાંથી એક બન્યો છે, જ્યાં 118 જેટલા રત્ન કલાકારો ઝેરી પાણી પીવાથી બીમાર પડ્યા હતા. સમગ્ર શહેરમાં આ ઘટના ચકચાર મચાવનાર બની હતી. હવે કાપોદ્રા પોલીસે આ કેસમાં મહત્ત્વપૂર્ણ સફળતા મેળવી છે. પોલીસે આરોપી નિકુંજ નામના યુવકને ધરપકડ કર્યો છે, જે માનસિક તણાવમાં આત્મહત્યા કરવાનો પ્રયાસ કરતો હતો, પરંતુ અચાનક બનાવ વધી ગયો અને અનેક નિર્દોષ કામદારો ત્રાસી ગયા.
GSTVની એપ્લિકેશન ડાઉનલોડ કરો
CCTV અને મોબાઇલ ડેટાના આધારે પોલીસે કર્યો ખુલાસો
કાપોદ્રા પોલીસે આરોપી સુધી પહોંચવા માટે ટેક્નોલોજીનો સહારો લીધો. નિકુંજ દ્વારા 12 દિવસ અગાઉ નજીકના મેડિકલ સ્ટોરમાંથી "સેલફોસ" નામની ઝેરી દવા ખરીદવામાં આવી હતી. મેડિકલ બિલ અને મોબાઇલ પેમેન્ટના આધારે પોલીસે મેડિકલ સ્ટોર સુધી પહોંચી. ત્યારબાદ સ્ટોરના સીસીટીવી ફૂટેજને ખંગાળ્યા, જેમાં નિકુંજ દવા ખરીદતો સ્પષ્ટપણે દેખાઈ આવે છે.
આત્મહત્યાનો પ્રયાસ, પરંતુ હિંમત ન આવી
તપાસ દરમિયાન ખુલ્યું કે નિકુંજએ પોતાના મિત્ર પાસેથી 8 લાખ રૂપિયા ઉધાર લીધા હતા. લોન પરત ન આપી શકવાથી તે ગંભીર માનસિક તણાવમાં જીવી રહ્યો હતો. તેણે આત્મહત્યા કરવાનો વિચાર કર્યો હતો અને ઝેરી દવા ખરીદી. કાપોદ્રા વિસ્તારમાં આવેલા પીવાના પાણીના ફાઉન્ટેન નજીક જઈ તેણે દવા પાણીમાં મેળવી પીવાનો પ્રયાસ કર્યો. પણ અંતમુહૂર્તે તેને હિંમત ન આવી અને તે ત્યાં ઊભો રહી ગયો.દૂર્ભાગ્યવશ, તે ફાઉન્ટેનમાંથી અન્ય લોકો પણ પાણી પીતા હોવાથી આ ઝેરી પદાર્થ નળીનાં પાઈપલાઇનમાં મળતો ગયો અને 118 રત્ન કલાકારો અસ્વસ્થ થયા.
હાલમાં પોલીસ દ્વારા વધુ તપાસ ચાલુ
અત્યારે કાપોદ્રા પોલીસ વધુ વિગતવાર તપાસ ચલાવી રહી છે. આરોપી નિકુંજની પાસે દવા કેવી રીતે આવી, કયા úદશ્યથી તેણે આ પગલું ભર્યું, તે અંગે કડક પુછપરછ કરવામાં આવી રહી છે.
સુરત શહેરના DCP આલોક કુમારનું નિવેદન
આ મામલે સુરતના DCP આલોક કુમારે જણાવ્યું કે, "પોલીસે ટેક્નિકલ એનાલિસિસ અને સીસીટીવી ફૂટેજના આધારે આ કેસ ઉકેલી લીધો છે. હાલ આરોપી પાસે વધુ માહિતી મેળવવા માટે કડક પૂછપરછ ચાલી રહી છે. અમારું લક્ષ્ય છે કે આવા ઘટનાઓ ફરી ન બને તે માટે યોગ્ય તપાસ કરવામાં આવી રહી છે
