Last Update :
03 Mar 2025
બદલાતા હવામાન, પ્રદૂષણ અને અન્ય ઘણા કારણોસર ચહેરા પર ખીલ જેવી સમસ્યાઓ દેખાવા લાગે છે. આ ખીલ સમય જતાં ઓછા થઈ જાય છે, પરંતુ તેમના ડાઘ ચહેરા પરથી સરળતાથી નથી જતા. આ સિવાય, ચહેરા પર ડાઘ-ધબ્બા દેખાવાના બીજા ઘણા કારણો છે, જેને ઘટાડવા માટે લોકો મોંઘા સ્કિન કેર પ્રોડક્ટ્સનો ઉપયોગ કરે છે પરંતુ આ પછી પણ કોઈ ખાસ અસર નથી જોવા મળતી. આવી સ્થિતિમાં, તમે ઘરેલું ઉપાય પણ અપનાવી શકો છો.
GSTVની એપ્લિકેશન ડાઉનલોડ કરો
લીમડાના પાન ડાઘ ઘટાડવામાં મદદ કરી શકે છે. તેમાં એન્ટી-બેક્ટેરિયલ, એન્ટી-ફંગલ અને એન્ટી-ઓકિસડન્ટ ગુણધર્મો છે. જે ત્વચા માટે ફાયદાકારક છે. તે ત્વચા સંબંધિત ઘણી સમસ્યાઓ દૂર કરવામાં અને ત્વચાને સ્વસ્થ રાખવામાં મદદ કરી શકે છે. ચાલો જાણીએ કે ચહેરા પરના ડાઘ દૂર કરવા માટે લીમડાના પાનનો ઉપયોગ કેવી રીતે કરવો જોઈએ.
લીમડાના પાન અને હળદર
લીમડાના પાન અને હળદર બંનેમાં રહેલા પોષક તત્વો ત્વચા માટે ફાયદાકારક છે. લીમડાના પાનની પેસ્ટ બનાવો અને તેમાં હળદર પાવડર ઉમેરો. આ પેસ્ટને તમારા ચહેરા પર લગાવો અને 15-20 મિનિટ સુધી સુકાવા દો. પછી હુંફાળા પાણીથી ધોઈ લો. આ ફેસ પેકને અઠવાડિયામાં બેથી વખત ચહેરા પર ન લગાવો.
લીમડાના પાનઅને ગુલાબજળ
ગુલાબજળ ત્વચાને ઠંડુ અને ભેજયુક્ત બનાવે છે, જ્યારે લીમડાના પાન ત્વચાના ઈન્ફેકશનને રોકવામાં અને ડાઘ ઘટાડવામાં મદદ કરે છે. આ બંનેની પેસ્ટ ચહેરાને ચમકદાર બનાવવામાં મદદ કરી શકે છે. લીમડાના પાનની પેસ્ટ તૈયાર કરો, તેમાં ગુલાબજળ ઉમેરો અને તેને ચહેરા પર લગાવો. તેને ચહેરા પર 15-20 મિનિટ માટે રહેવા દો અને પછી ધોઈ લો.
લીમડાના પાનનો રસ
લીમડાના પાનનો રસ ટોનર તરીકે વાપરી શકાય છે. આ બનાવવા માટે, પહેલા લીમડાના પાનને સારી રીતે ધોઈ લો અને પછી તેને પીસીને તેનો રસ કાઢો. આનાથી ચહેરા પરના ડાઘ-ધબ્બા ઓછા કરવામાં મદદ મળી શકે છે. લીમડાનો રસ કાઢ્યા પછી, તમે તેને સ્વચ્છ કપડા અથવા રૂની મદદથી તમારા ચહેરા પર લગાવી શકો છો. તેને ચહેરાના તે ભાગો પર લગાવો જ્યાં ખીલ કે ડાઘ હોય. આ રસને ત્વચા પર 20-30 મિનિટ માટે રહેવા દો અને પછી તેને હૂંફાળા પાણીથી ધોઈ લો.
ખાસ નોંધ: આ સામાન્ય માહિતી છે, વ્યક્તિગત સલાહ નથી. દરેક વ્યક્તિની જરૂરિયાતો અલગ-અલગ હોય છે. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.
