Last Update :
26 May 2025
દરેક સ્ત્રી ઈચ્છે છે કે તેનો મેકઅપ આખો દિવસ ફ્રેશ રહે, ખાસ કરીને જ્યારે લિપસ્ટિકની વાત આવે. પરંતુ ઘણીવાર એવું બને છે કે સવારે લગાવેલી લિપસ્ટિક થોડા કલાકોમાં ઝાંખી પડી જાય છે અથવા કઈ ખાવ-પીવાથી સંપૂર્ણપણે દૂર થઈ જાય છે. આવી સ્થિતિમાં, વારંવાર ટચ-અપ કરવું પડે છે. જો તમે પણ ઈચ્છો છો કે તમારી લિપસ્ટિક સવારથી સાંજ સુધી ઝાંખી પડ્યા વિના એવી જ રહે, તો આ માટે કેટલીક સરળ પણ અસરકારક ટિપ્સ અપનાવી શકાય છે.
GSTVની એપ્લિકેશન ડાઉનલોડ કરો
લિપસ્ટિકને લોંગ લાસ્ટિંગ બનાવવા માટે, માત્ર સારી ક્વોલિટીની પ્રોડક્ટ જ પૂરતી નથી, પરંતુ તેને યોગ્ય રીતે લગાવવી પણ ખૂબ જ મહત્ત્વપૂર્ણ છે. આ લેખમાં, અમે તમને કેટલાક સરળ સ્ટેપ્સ અને બ્યુટી હેક્સ જણાવીશું, જેની મદદથી તમારી લિપસ્ટિક આખો દિવસ ટકી રહેશે અને તમારા લુકને ફ્રેશ અને આકર્ષક રાખશે.
હોઠને એક્સફોલિએટ કરો
લિપસ્ટિકને લોંગ લાસ્ટિંગ બનાવવા માટેનું પહેલું સ્ટેપ છે ડેડ સ્કિનને દૂર કરવી. ઘરે સારા લિપ સ્ક્રબ અથવા ખાંડ-મધના મિશ્રણથી તમારા હોઠને હળવા હાથે સ્ક્રબ કરો. આનાથી હોઠ નરમ બને છે અને લિપસ્ટિક સારી રીતે સેટ થાય છે.
મોઇશ્ચરાઇઝ કરો
સ્ક્રબિંગ કર્યા પછી, તમારા હોઠ પર લિપ બામ અથવા વેસેલિન લગાવવાનું ભૂલશો નહીં. આનાથી હોઠને મોઇશ્ચર મળે છે અને લિપસ્ટિક ક્રેક નથી થતી. પરંતુ લિપસ્ટિક લગાવતા પહેલા, વધારાનું લિપ બામ ટીશ્યુથી હળવા હાથે સાફ કરી લો.
પ્રાઈમર અથવા કન્સિલર લગાવો
જો તમે ઇચ્છો છો કે તમારી લિપસ્ટિક લાંબા સમય સુધી ટકી રહે, તો તમારા હોઠ પર થોડું કન્સિલર અથવા લિપ પ્રાઈમર લગાવો. તે બેઝ તરીકે કામ કરે છે અને લિપસ્ટિકને લોંગ લાસ્ટિંગ બનાવવામાં મદદ કરે છે.
લિપસ્ટિકનો એક સ્તર લગાવો
એકવાર લિપસ્ટિક લગાવ્યા પછી, તેને ટીશ્યુથી હળવા હાથે સાફ કરો અને પછી ફરીથી લિપસ્ટિક લગાવો. આ લેયરિંગ ટેકનિકથી, લિપસ્ટિક હોઠ પર વધુ સારી રીતે સેટ થાય છે અને સરળતાથી નહીં નીકળે.
પાવડરથી સેટ કરો
લિપસ્ટિક લગાવ્યા પછી, હોઠ પર એક પાતળું ટીશ્યુ મૂકો અને બ્રશ વડે તેના પર થોડો પાવડર લગાવો. આ ટ્રિક લિપસ્ટિકને મેટ અને લોંગ લાસ્ટિંગ બનાવે છે.
