Last Update :
21 Jan 2025
નેઈલ આર્ટ કરવું એ સ્ત્રીઓ માટે માત્ર એક ટ્રેન્ડ નથી, પણ પોતાને સ્ટાઈલિશ અને ફેન્સી દેખાડવાનો એક ખાસ રસ્તો પણ છે. સ્ત્રીઓ નેઈલ આર્ટ દ્વારા પોતાના નખને સુંદર અને આકર્ષક બનાવવાનું પસંદ કરે છે. ઘણી સ્ત્રીઓ સલૂનમાં જાય છે અને નેઈલ આર્ટ કરાવવા માટે હજારો રૂપિયાનો ખર્ચ કરે છે. તો કેટલીક મહિલાઓ યોગ્ય એક્સેસરીઝ સાથે થોડી ક્રિએટીવિટી બતાવીને ઘરે જ નેઈલ આર્ટ કરે છે.
GSTVની એપ્લિકેશન ડાઉનલોડ કરો
આ પણ વાંચો: Skin Care / શિયાળામાં સવારે ઉઠીને કરો આ કામ ક્યારેય ડ્રાય નહીં થાય ત્વચા, હંમેશા રહેશે ચમકતી
આજકાલ બજારમાં ઘણી બધી વસ્તુઓ ઉપલબ્ધ છે, જેને ખરીદીને તમે તમારા નખને એક અનોખો અને આકર્ષક દેખાવ આપી શકો છો. આ લેખમાં, કેટલીક સરળ DIY નેઈલ આર્ટ ટિપ્સ આપવામાં આવી છે, જેની મદદથી તમે સલૂનના ખર્ચથી બચી શકો છો. એટલું જ નહીં, નેઈલ આર્ટ માટે તમારે કઈ વસ્તુઓની જરૂર પડશે તે વિશે પણ આ લેખમાં માહિતી આપીશું.
ટેપનો ઉપયોગ કરો
રંગબેરંગી નેઈલ આર્ટ ડિઝાઇન બનાવવા માટે ટેપ એક સરળ વિકલ્પ છે. તમારા નખ પર બેઝ કોટ લગાવો અને તેને સુકાવા દો. આ પછી, ટેપને વિવિધ આકારમાં કાપીને નખ પર ચોંટાડો. હવે તમારી પસંદગીની નેઈલ પોલીશ લગાવો. સુકાઈ ગયા પછી, ટેપ કાઢી નાખો. નેઈલ આર્ટ તૈયાર છે.
ડોટિંગ માટે ટૂથપીકનો ઉપયોગ કરો
નાના ટપકાં બનાવવા માટે તમે ડોટિંગ ટૂલ્સનો ઉપયોગ કરી શકો છો. જો તમારી પાસે ડોટિંગ ટૂલ્સ ન હોય, તો તમે ટૂથપીક, પિન અથવા બોબી પિનનો ઉપયોગ કરી શકો છો. તમે તેને નેઈલ પોલીશમાં બોળીને અને તમારા નખ પર નાના ટપકાં બનાવીને તમારી ક્રિએટીવિટી બતાવી શકો છો. વધુમાં, તમે પાતળા પેઈન્ટ બ્રશથી ફૂલ, પાન અથવા પટ્ટાવાળી ડિઝાઇન બનાવી શકો છો. તમે બ્રશને નેઈલ પોલીશમાં ડુબાડી શકો છો અને તમારી પસંદગી મુજબ તમારા નખ પર ડિઝાઇન બનાવી શકો છો.
સ્પોન્જનો ઉપયોગ કરો
ગ્રેડિયન્ટ અથવા ઓમ્બ્રે ઈફેક્ટ માટે સ્પોન્જનો ઉપયોગ કરો. સ્પોન્જ પર વિવિધ રંગોની નેઈલ પોલીશ લગાવો અને તેને નખ પર હળવેથી ટેપ કરો. ટ્રેન્ડી અને પ્રોફેશનલ લુક મેળવવાનો આ એક સરળ રસ્તો છે.
નેઈલ સ્ટીકરો અને ગ્લિટરનો ઉપયોગ કરો
બજારમાં ઉપલબ્ધ નેઈલ આર્ટ સ્ટીકરો અને નાના જેમ્સનો ઉપયોગ કરો. તેમને નખ પર ચોંટાડો અને તેનો ટોપ કોટ લગાવો જેથી તે લાંબા સમય સુધી ટકી રહે. નેઈલ આર્ટમાં ગ્લિટરનો ઉપયોગ નખને ચમકદાર અને આકર્ષક બનાવે છે. બેઝ કોટ પર ગ્લિટર પાવડર છાંટો અથવા ગ્લિટર નેઇઈલ પોલીશનો ઉપયોગ કરો.
