Last Update :
19 May 2025
શોપિંગનું નામ સાંભળતા જ આપણા ચહેરા પર સ્મિત અને મનમાં ઉત્સાહ છવાઈ જાય છે. સામાન્ય રીતે, લોકો બધા પોતાની પસંદ-નાપસંદ અને પ્રસંગોને ધ્યાનમાં રાખીને ખરીદી કરે છે. પરંતુ જ્યારે એથનિક વેરની ખરીદીની વાત આવે છે, ત્યારે તે ક્યારેક થોડું મૂંઝવણભર્યું બની શકે છે. રંગોથી લઈને કાપડ અને ચમકદાર વસ્તુઓ સુધી, બધું જ એટલું આકર્ષક લાગે છે કે લોકો ઘણીવાર એવી વસ્તુ ખરીદી લે છે જે સારી તો દેખાય છે, પણ તેણે પહેર્યા પછી ખ્યાલ આવે છે કે તે કેટલા અનકમ્ફર્ટેબલ છે. એટલું જ નહીં, ઘણી વખત તે કપડા ક્યારે પહેરવા તે સમજવું પણ મુશ્કેલ છે.
GSTVની એપ્લિકેશન ડાઉનલોડ કરો
આ જ કારણ છે કે એથનિક વેરની ખરીદી કરતી વખતે કેટલીક બાબતો પર ધ્યાન આપવું જરૂરી છે. જો તમે કોઈ આઉટફિટ ફક્ત એટલા માટે ખરીદો છો કે તે સુંદર દેખાય છે, તો શક્ય છે તમને પાછળથી પસ્તાવો થાય. તો આજે આ લેખમાં, અમે તમને એથનિક વેર ખરીદતી વખતે થતી કેટલીક નાની ભૂલો વિશે જણાવી રહ્યા છીએ, જે તમારે ટાળવી જોઈએ.
તમારા શરીરના પ્રકારને અવગણવો
એથનિક વેર ખરીદતી વખતે, સૌથી પહેલા તમારા શરીરના પ્રકારને ધ્યાનમાં લેવો સૌથી મહત્ત્વપૂર્ણ છે. ઘણીવાર લોકો દુકાનની બહાર મેનેક્વિન પર જોઈને આઉટફિટ ખરીદવાનું નક્કી કરી લે છે. પણ એ જરૂરી નથી કે તે આઉટફિટ તમારા પર પણ સારો લાગશે. તેથી, હંમેશા એવા આઉટફિટ પસંદ કરો જે તમારા શરીરના પ્રકારને અનુરૂપ હોય.
ફક્ત હેવી વર્ક પર ધ્યાન આપવું
એથનિક વેરની ખરીદી કરતી વખતે, સ્ત્રીઓ ઘણીવાર તેના વર્ક પર વધુ ધ્યાન આપે છે. પરંતુ આવા કપડા ફક્ત અમુક પ્રસંગોએ જ પહેરી શકાય છે અને તેથી આ કપડા કબાટમાં જ પડ્યા રહે છે. એટલું જ નહીં, જો કપડા પર હેવી વર્ક હોય તો શક્ય છે કે પહેર્યા પછી તમને ખંજવાળ આવે અથવા તમને આરામદાયક ન લાગે. તેથી, એથનિક વેર ખરીદતી વખતે, હંમેશા એવું વર્ક પસંદ કરવું જોઈએ, જે સારું દેખાય અને પહેરવામાં પણ ખૂબ જ આરામદાયક હોય.
ફેબ્રિકને અવગણવું
જો તમે કોઈપણ એથનિક વેર ફક્ત એટલા માટે ખરીદો છો કે તે સુંદર દેખાય છે, તો તમે કદાચ મોટી ભૂલ કરી રહ્યા છો. કાપડની તપાસ કર્યા વિના ક્યારેય ક્યારેય કોઈપણ કપડા ન ખરીદવા જોઈએ. તમારે હંમેશા ઋતુ અને ઈવેન્ટ અનુસાર કાપડ પસંદ કરવું જોઈએ. ઉદાહરણ તરીકે, શિયાળામાં વેલવેટ, સિલ્ક અથવા બ્રોકેડ ફેબ્રિક પસંદ કરી શકાય છે, જ્યારે ઉનાળા માટે કોટન, લિનન અને જ્યોર્જેટ વધુ સારા છે.
