Last Update :
12 Mar 2025
હોળીનું નામ સાંભળતા જ રંગબેરંગી ગુલાલ, મજા-મસ્તી, સ્વાદિષ્ટ વાનગીઓ અને મસ્તીભર્યું વાતાવરણ આપણી નજર સમક્ષ આવી જાય છે. આ તહેવાર ફક્ત રંગોનું પ્રતીક જ નથી, પરંતુ પરસ્પર પ્રેમ, ભાઈચારો અને નવી શરૂઆતનું પણ પ્રતીક છે. ભારતમાં હોળી ખૂબ જ ઉત્સાહ અને ઉમંગથી ઉજવવામાં આવે છે અને તેનો ઉત્સાહ વિશ્વના ઘણા દેશોમાં પણ જોવા મળે છે. ભારતમાં, આ તહેવાર ખાસ કરીને ઉત્તર ભારત, રાજસ્થાન, ગુજરાત, મહારાષ્ટ્ર અને બંગાળમાં ખૂબ જ ધામધૂમથી ઉજવવામાં આવે છે.
GSTVની એપ્લિકેશન ડાઉનલોડ કરો
પરંતુ શું તમે જાણો છો કે માત્ર ભારતમાં જ નહીં પરંતુ ઘણા અન્ય દેશોમાં પણ હોળી એ જ ઉત્સાહથી ઉજવવામાં આવે છે? વિદેશમાં રહેતા ભારતીય સમુદાયે આ રંગીન તહેવારને તેમની સંસ્કૃતિ સાથે જોડ્યો છે અને ત્યાંના સ્થાનિક લોકો પણ તેને ખૂબ જ ઉત્સાહથી ઉજવે છે. તો ચાલો જાણીએ કે ભારત સિવાય કયા દેશોમાં હોળી કેવી રીતે ઉજવવામાં આવે છે.
નેપાળ
નેપાળ, ભારતનો પડોશી દેશ હોવા ઉપરાંત, હિન્દુ સંસ્કૃતિ સાથે પણ ઊંડો સંબંધ ધરાવે છે. અહીં હોળીને ફાગુ પૂર્ણિમા તરીકે ઓળખવામાં આવે છે અને તે દેશભરમાં ખૂબ જ ઉત્સાહથી ઉજવવામાં આવે છે. કાઠમંડુ અને પોખરા જેવા મોટા શહેરોમાં, હોળીના દિવસે રસ્તા પર રંગો, મ્યુઝિક અને ડાન્સનું વાતવરણ હોય છે. અહીં પણ લોકો એકબીજાને રંગો, પાણીના ફુગ્ગાઓ અને ગુલાલથી રંગે છે.
મોરિશિયસ
મોરેશિયસમાં એક મોટો ભારતીય સમુદાય રહે છે, જે ત્યાં ખૂબ જ ઉત્સાહથી હોળી ઉજવે છે. અહીં હોળીની ઉજવણી ભારતના ઉત્તર પ્રદેશ અને બિહારની હોળી જેવી જ છે. ભજન-કીર્તન, હોલિકા દહન અને રંગોથી રમવાની પરંપરા અહીં પણ જોઈ શકાય છે. મોરેશિયસ સરકાર પણ આ તહેવારને માન્યતા આપે છે અને તેને રાષ્ટ્રીય રજા તરીકે ઉજવે છે.
ફીજી
ફીજી એક એવો દેશ છે જ્યાં મોટી સંખ્યામાં ભારતીયો રહે છે. એવું માનવામાં આવે છે કે અહીં ઉત્તર પ્રદેશ અને બિહારના લોકોની સંખ્યા વધુ છે. અહીં હોળી પરંપરાગત રીતે મ્યુઝિક અને ડાન્સ સાથે ઉજવવામાં આવે છે. સ્થાનિક લોકો પણ આ ઉત્સવમાં જોડાય છે અને તેને બહુરંગી ઉત્સવ તરીકે ઉજવે છે.
પાકિસ્તાન
ભારતના ભાગલા પછી પણ, ઘણા હિન્દુઓ પાકિસ્તાનમાં રહે છે. ખાસ કરીને સિંધ પ્રાંત, કરાચી, લાહોર અને કેટલાક અન્ય ભાગોમાં. અહીં રહેતા હિન્દુ પરિવારો હોળીનો તહેવાર પૂરા ઉત્સાહથી ઉજવે છે. હિન્દુ મંદિરો અને સમુદાય કેન્દ્રોમાં ભવ્ય હોળી કાર્યક્રમોનું આયોજન કરવામાં આવે છે. પાકિસ્તાનમાં પણ લોકો એકબીજાને ગુલાલ અને રંગો લગાવીને આ તહેવારની ઉજવણી કરે છે.
બાંગ્લાદેશ
બાંગ્લાદેશમાં પણ હોળીની ઉજવણી જોવા મળે છે. ખાસ કરીને ઢાકા, ચિત્તાગોંગ અને સિલહટ જેવા વિસ્તારોમાં. અહીં હોળીને ડોલ પૂર્ણિમા અથવા વસંત ઉત્સવ તરીકે પણ ઓળખવામાં આવે છે. ભારતની જેમ, અહીં હિન્દુ સમુદાયના લોકો રંગો અને ગુલાલથી રમે છે. મંદિરોમાં ખાસ પૂજા અને હવનનું આયોજન કરવામાં આવે છે.
