Last Update :
11 Jun 2025
મોટાભાગના લોકોને મુસાફરી કરવી ગમે છે. પરંતુ કેટલાક લોકોને એકલા અથવા રોડ ટ્રિપ પર જવાનું ગમે છે. જે લોકો મોટરસાઇકલ ચલાવવાના શોખીન હોય છે તેઓ બાઇક દ્વારા મુસાફરી કરે છે. તેઓ બાઇક પર સુંદર સ્થળોની સફર કરવાનું પસંદ કરે છે. ક્યારેક તે કોઈ સાહસથી ઓછું નથી હોતું.
GSTVની એપ્લિકેશન ડાઉનલોડ કરો
લેહ લદ્દાખનો બાઇક રૂટ ખૂબ જ લોકપ્રિય છે. તેની યાત્રા મનાલીથી શરૂ થઈને લેહ સુધી હોય છે. આ દરમિયાન ખારદુંગ લા, રોહતાંગ લા, ગુલાબા અને દારચા પાસ જેવા સુંદર અને આકર્ષક સ્થળો જોવાની તક મળે છે. આ સમગ્ર પ્રવાસ લગભગ 12 દિવસ અને 11 રાત ચાલે છે. જે શ્રેષ્ઠ મોટરસાઇકલ પ્રવાસોમાંથી એક છે.
શ્રીનગરથી લેહ અને મનાલીની સફર સાહસથી ભરપૂર હોઈ શકે છે. તેથી આ માટે કાળજીપૂર્વક આયોજન કરવામાં આવે છે. રસ્તામાં દાલ તળાવ, કાશ્મીરના લીલાછમ ઘાસના મેદાનો અને ઝોજિલા પાસ જેવા સુંદર સ્થળોએથી ગંતવ્ય સ્થાન સુધી પહોંચવું પડે છે. શ્રીનગર - કારગિલ - લેહ - પેંગોંગ ત્સો - નુબ્રા ખીણ - સરચુ - જીસ્પાહ - મનાલીની આ સફર શ્રેષ્ઠ હોય છે.
સ્પીતિ ખીણનો બાઈટ રૂટ મે થી જુલાઈ સુધી ખૂબ જ લોકપ્રિય છે. ગંતવ્ય સ્થાન પર પહોંચતી વખતે ચંદ્રતાલ તળાવ, કી મઠ, પિન વેલી, તાબો, નાકા, કલ્પા, સાંગલા અને શોજા જેવા સુંદર સ્થળોએ સમય પસાર કરવાનો મોકો પણ મળે છે. ચંદ્રતાલ તળાવ પર કેમ્પિંગ કરી શકાય છે. તમે તમારી પોતાની બાઇક ખરીદી શકો છો અથવા મનાલીથી બાઇક ભાડે લઈ શકો છો.
ફક્ત પર્વતો જ નહીં પરંતુ રાજસ્થાન પણ બાઇક દ્વારા મુસાફરી કરવા માટે એક પ્રખ્યાત સ્થળ છે. જયપુરથી જોધપુર થઈને જેસલમેર પહોંચી શકાય છે. આ પણ એક અલગ અનુભવ છે. મુસાફરી દરમિયાન તમે રાજસ્થાનના ગામડાઓ, શહેરો, ઇતિહાસ અને વારસા વિશે જાણી શકશો. પર્વતોથી દૂર ઐતિહાસિક સ્થળોની મુલાકાત લેવા માંગતા લોકો માટે પણ આ માર્ગ શ્રેષ્ઠ રહેશે.
બેંગ્લોરથી મૈસુર થઈને ઊટીની સફર પણ ખૂબ જ અદ્ભુત છે. આ સફર બેંગ્લોરથી શરૂ થશે, ત્યારબાદ મૈસુર, ગુંડલુપેટ, બાંદીપુર, મુદુમલાઈ, મસીનાગુડી અને કલ્લાટ્ટી ઘાટ વાલા થઈને ઊટી પહોંચી શકાય છે. મૈસુર અને ઊટીમાં ફરવા માટે ઘણા સુંદર સ્થળો છે. આ બાઇકિંગ ટ્રીપનો આનંદ આખા વર્ષ દરમિયાન માણી શકાય છે.
અમદાવાદથી કચ્છનું રણ પણ બાઇકિંગ માટે સારો રસ્તો છે. તેમાં 4 થી 5 દિવસનો સમય લાગી શકે છે. મુસાફરી દરમિયાન, તમને નવી જગ્યાઓ અને સ્થાનિક જીવનશૈલી વિશે શીખવાની તક મળશે. આ યાત્રા અમદાવાદથી શરૂ થાય છે, ત્યારબાદ ધોળાવીરા અને માંડવી થઈને ભુજ અને કચ્છ પહોંચી શકાય છે. ઓક્ટોબરથી માર્ચ વધુ યોગ્ય છે.
બાઇક દ્વારા મુસાફરી કરતી વખતે એક અલગ અનુભવ મળે છે. વિવિધ સ્થળોની સંસ્કૃતિ વિશે શીખવાનો અને લોકો સાથે વાતચીત કરવાનો અનુભવ ખૂબ જ ખાસ હોય છે. તેમજ જ દરેક સ્થળની કુદરતી સુંદરતા જોવાનો અને ત્યાં સમય વિતાવવાનો મોકો મળે છે. આ માર્ગ ભારતમાં બાઇક રોડ ટ્રિપ્સ માટે સૌથી પ્રખ્યાત છે.
