Travel Tips / જયપુરમાં ઐતિહાસિક કિલ્લાઓ જોયા પછી અહીં માણી શકો છો એડવેન્ચર એક્ટિવિટીનો આનંદ

પિંક સિટી તરીકે ઓળખાતું શહેર જયપુર એવા લોકો માટે શ્રેષ્ઠ છે જેઓ મુસાફરી કરવાનું પસંદ કરે છે. તે ભારતના સૌથી આકર્ષક અને સાંસ્કૃતિક સ્થળોમાંનું એક છે. તે ઐતિહાસિક કિલ્લાઓ, મહેલો અને તેની સંસ્કૃતિ માટે જાણીતું છે. અહીં માત્ર નાગરિકો જ નહીં પણ વિદેશી પ્રવાસીઓ પણ ફરવા આવે છે. જયપુરમાં તમે જ્યાં પણ જશો, તમને દરેક જગ્યાએ વિદેશી પ્રવાસીઓ જોવા મળશે.

GSTVની એપ્લિકેશન ડાઉનલોડ કરો

   

આ શહેર તેના કિલ્લાઓ અને મહેલો જેમ કે આમેર કિલ્લો, જયગઢ કિલ્લો, નાહરગઢ કિલ્લો અને સિટી પેલેસ માટે જાણીતું છે. પરંતુ જ્યારે તમે અહીં કિલ્લાની મુલાકાત લો પછી તમે અહીં કેટલીક એડવેન્ચર એક્ટિવિટી પણ કરી શકો છો. આજના આર્ટિકલમાં અમે તમને જયપુરના એવા જ કેટલાક સ્થળો વિશે વિગતવાર માહિતી આપીશું.

પેરાગ્લાઈડિંગ

જો તમે કિલ્લાઓ અને મહેલો જોઈને કંટાળી ગયા હોવ તો તમે પેરાગ્લાઈડિંગનો રોમાંચ અનુભવી શકો છો. આનાથી પ્રવાસીઓ શહેરની સુંદરતાનો અહેસાસ કરે છે. જયપુરની ઉંચી ટેકરીઓ અને ખુલ્લી જગ્યાઓને કારણે આ પ્રવૃત્તિ વધુ મનોરંજક બની જાય છે. તમે પેરાગ્લાઈડિંગ કરતી વખતે સુંદર શહેરનો નજારો જોઈએ શકો છો. તમને શહેરની પ્રાકૃતિક સુંદરતાને આકાશમાંથી જોવાનો મોકો પણ મળે છે. એડવેન્ચર પ્રેમીઓ માટે આ એક સરસ પ્રવૃત્તિ છે.

• સ્થાન - રજની વિહાર, અજમેર રોડ, હીરાપુરા, જયપુર.
• સમય - સવારે 10થી સાંજના 6 વાગ્યા સુધી.
• રવિવારે બંધ રહે છે.

મોટર પેરાગ્લાઈડિંગ

મોટર પેરાગ્લાઈડિંગ પણ પ્રવાસીઓની સૌથી પ્રિય પ્રવૃત્તિઓમાંની એક છે. રાજસ્થાનની સમૃદ્ધ સંસ્કૃતિ અને ઐતિહાસિક વારસાની વચ્ચે, મોટર પેરાગ્લાઈડિંગ જેવી રોમાંચક પ્રવૃત્તિનો આનંદ માણવાથી એક અલગ જ અનુભૂતિ થાય છે.

• સ્થાન - બગરુ મેહલા, અજમેર રોડ, જયપુર.
• ટિકિટ - 2249 રૂપિયા પ્રતિ વ્યક્તિ. તમને 20 મિનિટ સુધી મુસાફરી કરવાનો મોકો મળે છે.
• 500-700 ફૂટની ઉંચાઈ.
• આમાં ફક્ત 10થી 70 વર્ષના લોકો જ ભાગ શકશે.
• સમય - સવારે 6થી 10 સુધી.
• સાંજનો સમય - બપોરે 3થી સાંજે 7 વાગ્યા સુધી.

હોટ એર બલૂન રાઈડ

જયપુરમાં હોટ એર  બલૂન રાઈડ માટે આમેર ફોર્ટ અને જલ મહેલ જઈ શકાય છે. સુંદર નજારો સાથે, તમે અહીં સુંદર ફોટોગ્રાફ્સ પણ લઈ શકો છો. હોટ એર બલૂન ઉડાડનાર પાયલોટ પણ તમારી સાથે રહે છે, જેથી તમને કોઈ સમસ્યા ન થાય, ધ્યાનમાં રાખો કે જ્યારે હવામાન બદલાય છે ત્યારે બલૂન રાઈડ કરવામાં આવતી નથી.

• પેકેજ ફી - 11,499 રૂપિયા પ્રતિ વ્યક્તિ.
• જો તમે ત્રણ લોકો સાથે મુસાફરી કરો છો, તો તમારે કુલ 43,000 રૂપિયા ચૂકવવા પડશે.
• બાળક માટે 1 કલાકની રાઈડનો ખર્ચ 7000 રૂપિયા છે.
• એપ્રિલથી જૂન સુધી સવારી 5:30 વાગ્યે શરૂ થાય છે.
• સપ્ટેમ્બરથી માર્ચ સુધી તમે સવારના 6:45 અને સાંજે 4:00 વાગ્યે રાઈડ લઈ શકો છો.