Income Tax Refund માટે હવે નહિ જોવી પડે રાહ; NPCI એ શરૂ કરી આ સુવિધા

નેશનલ પેમેન્ટ્સ કોર્પોરેશન ઓફ ઇન્ડિયા એટલે કે NPCI એ આવકવેરા વેબસાઇટ પર રીઅલ ટાઇમમાં PAN અને બેંક એકાઉન્ટ ચકાસવાની સુવિધા શરૂ કરી છે. આ નવી સિસ્ટમ સાથે, કરદાતાઓને ઝડપથી અને ભૂલ વિના આવકવેરા રિફંડ મળશે. આ સિસ્ટમ સીધી બેંકોની કોર બેંકિંગ સિસ્ટમ સાથે કનેક્ટ થશે અને ખાતાની ચકાસણી કરશે. આ સુવિધા 17  જૂન 2025 ના રોજ જારી કરાયેલા પરિપત્ર હેઠળ લાગુ કરવામાં આવી છે.

GSTVની એપ્લિકેશન ડાઉનલોડ કરો

   

હવે રીઅલ ટાઇમમાં ચકાસણી

NPCI એ સરકારી વિભાગો માટે એક નવું API શરૂ કર્યું છે જે બેંકની સિસ્ટમમાંથી સીધા જ PAN વિગતો, બેંક ખાતાની સ્થિતિ અને ખાતાધારકનું નામ ચકાસી શકશે. આ કરદાતાઓના ડેટાને ઝડપથી અને સચોટ રીતે તપાસશે. તમામ સભ્ય બેંકોને પ્રાથમિકતાના ધોરણે તેનો અમલ કરવા સૂચના આપવામાં આવી છે.

આ પણ વાંચો :

Income Tax Bill માટે 31 સભ્યોની પસંદગી સમિતિની રચના, જાણો કોણ-કોણ છે સામેલ?

ભાડાના મકાનમાં રહેતા મજૂરને મળી 314 કરોડની Income Taxની નોટિસ

રિફંડ અને DBT ઝડપી બનશે

અહેવાલ મુજબ, આ સુવિધા આવકવેરા રિફંડ અને ડાયરેક્ટ બેનિફિટ ટ્રાન્સફરને ઝડપી અને સચોટ બનાવશે. ખોટી માહિતી અથવા ડુપ્લિકેટ ખાતાને કારણે થતો વિલંબ હવે ઓછો થશે. આ સાથે, છેતરપિંડીની શક્યતા પણ ઓછી થશે અને સિસ્ટમની વિશ્વસનીયતા વધશે.

બેંકોએ સિસ્ટમ અપડેટ કરવી પડશે

નવી સિસ્ટમ લાગુ કરવા માટે, બેંકોએ NPCI ના સલામતી ધોરણો અનુસાર તેમની સિસ્ટમ અપડેટ કરવી પડશે. શરૂઆતમાં આનાથી કેટલીક ટેકનિકલ પડકારો આવી શકે છે, પરંતુ તે દેશની ડિજિટલ સિસ્ટમને મજબૂત બનાવશે. આ પગલું ડિજિટલ ઇન્ડિયા મિશન તરફનો બીજો મજબૂત પ્રયાસ છે.