CASએ અપીલ ફગાવ્યા બાદ વિનેશ ફોગાટે સોશિયલ મીડિયામાં કરી પ્રથમ પોસ્ટ

પેરિસ ઓલિમ્પિક 2024 બાદ વિનેશ ફોગાટને મોટો ઝટકો લાગ્યો છે. કોર્ટ ઓફ આર્બિટ્રેશન ફોર સ્પોર્ટ્સ (CAS) ભારતની સ્ટાર રેસલર વિનેશ ફોગાટને ઓલિમ્પિકમાં ગેરલાયક ઠર્યા બાદ સિલ્વર મેડલ આપવાની અરજી ફગાવી દીધી હતી. ત્યારે હવે વિનેશ ફોગાટે સોશિયલ મીડિયા પર એક પોસ્ટ શેર કરી છે. 

વિનેશ ફોગાટે ઈન્સ્ટાગ્રામ પર પોતાની એક તસવીર શેર કરી છે. જેમાં તે ઈમોશનલ જોવા મળી રહી છે. મહત્ત્વની વાત એ છે કે આ તસ્વીરના કેપ્શનમાં વિનેશે કંઈ લખ્યું નથી. પરંતુ ઘણા ફેન્સ વિનેશને પ્રોત્સાહિત કરવા માટે કોમેન્ટ કરી છે. ભારતીય ટેબલ ટેનિસ ખેલાડી મનિકા બત્રાએ કોમેન્ટમાં લખ્યું, "તમે પ્રેરણાદાયક છો, તમે ભારતનું રત્ન છો.'' મનિકાની સાથે અન્ય લોકોએ પણ કોમેન્ટ કરી રહ્યા છે.