પાકિસ્તાનના વડાપ્રધાન શાહબાઝ શરીફના ઘરથી 20 કિલોમીટર દૂર વિસ્ફોટ

ભારત અને પાકિસ્તાન વચ્ચે તણાવ વધી ગયો છે. ભારતીય સેના પાકિસ્તાન દ્વારા કરવામાં આવી રહેલા ડ્રોન અને મિસાઈલ હુમલાનો યોગ્ય જવાબ આપી રહી છે. નવીનતમ માહિતી અનુસાર, પાકિસ્તાનના વડા પ્રધાન શાહબાઝ શરીફના ઘરથી 20 કિલોમીટર દૂર વિસ્ફોટના સમાચાર સામે આવ્યા છે.

GSTVની એપ્લિકેશન ડાઉનલોડ કરો

   

ભારતે પાકિસ્તાનની હવાઈ સંરક્ષણ પ્રણાલી સહિત અનેક મિસાઇલોનો નાશ કર્યો

અગાઉ, જવાબી કાર્યવાહીમાં, ભારતે પાકિસ્તાનની હવાઈ સંરક્ષણ પ્રણાલી સહિત અનેક મિસાઇલોનો નાશ કર્યો હતો. ભારતીય સેનાએ પાકિસ્તાનના હાઇ-ટેક ફાઇટર જેટ F-16 અને JF 17 ને તોડી પાડ્યા છે. સૂત્રો પાસેથી માહિતી મુજબ પાકિસ્તાનના પ્રધાનમંત્રી બંકરમાં છુપાયા હોવાની માહિતી સામે આવી છે. 

બલુચિસ્તાનની રાજધાની ક્વેટામાં પાકિસ્તાની સૈન્ય ઠેકાણાઓ પર શ્રેણીબદ્ધ હુમલાઓ થયા છે. પાકિસ્તાની સેનાના ફ્રન્ટિયર કોર્પ્સ મુખ્યાલયને બંદૂકધારીઓએ નિશાન બનાવ્યું હતું. ગોળીબાર થયા અને ત્યારબાદ અનેક વિસ્ફોટ થયા.