Last Update :
08 May 2025
ઇન્ડિયન પ્રીમિયર લીગ (IPL) 2025માં પંજાબ કિંગ્સ (PBKS) અને દિલ્હી કેપિટલ્સ (DC) વચ્ચેની મેચ ભારત-પાકિસ્તાન તણાવને કારણે રદ કરવામાં આવી છે. બંને ટીમો વચ્ચેની આ મેચ 8 મે (બુધવાર) ના રોજ ધર્મશાળાના હિમાચલ પ્રદેશ ક્રિકેટ એસોસિએશન (HPCA) સ્ટેડિયમમાં રમાઈ હતી. આ મેચમાં પંજાબ કિંગ્સે ટોસ જીતીને પહેલા બેટિંગ કરવાનો નિર્ણય લીધો હતો, પરંતુ 10.1 ઓવર પછી મેચ રદ કરવામાં આવી હતી. સાવચેતી રૂપે, સ્ટેડિયમની બધી ફ્લડલાઇટ બંધ કરી દેવામાં આવી હતી. ઉપરાંત, IPL અધિકારીઓએ ટીમોને HPCA સ્ટેડિયમ છોડી દેવાની સૂચના આપી છે.
GSTVની એપ્લિકેશન ડાઉનલોડ કરો
પંજાબ કિંગ્સે ૧૦.૧ ઓવરમાં ૧ વિકેટ ગુમાવીને ૧૨૨ રન બનાવ્યા. પ્રિયાંશ આર્યએ 34 બોલમાં 5 ચોગ્ગા અને 6 છગ્ગાની મદદથી 70 રન બનાવ્યા. જ્યારે પ્રભસિમરન સિંહ 28 બોલમાં 50 રન બનાવીને અણનમ પરત ફર્યા હતા અને શ્રેયસ ઐયર 0 રન બનાવીને અણનમ પરત ફર્યા હતા.
પંજાબ કિંગ્સ પ્લેઈંગ-11: પ્રિયાંશ આર્ય, પ્રભસિમરન સિંહ, શ્રેયસ ઐયર (કેપ્ટન), જોશ ઈંગ્લિસ (વિકેટકીપર), શશાંક સિંહ, નેહલ વાધેરા, માર્કસ સ્ટોઈનિસ, અઝમતુલ્લા ઉમરઝાઈ, માર્કો જેન્સન, યુઝવેન્દ્ર ચહલ, અર્શદીપ સિંહ.
દિલ્હી કેપિટલ્સ પ્લેઈંગ-11: ફાફ ડુ પ્લેસિસ, અભિષેક પોરેલ, કેએલ રાહુલ (વિકેટકીપર), સમીર રિઝવી, અક્ષર પટેલ (કેપ્ટન), ટ્રિસ્ટન સ્ટબ્સ, માધવ તિવારી, મિચેલ સ્ટાર્ક, દુષ્મંથા ચમીરા, કુલદીપ યાદવ, ટી નટરાજન.
પંજાબ કિંગ્સ અને દિલ્હી કેપિટલ્સ હજુ સુધી IPL ટાઇટલ જીતી શક્યા નથી. પંજાબ ફક્ત એક જ વાર ફાઇનલમાં પહોંચ્યું છે, જ્યારે તેને 2014 માં કોલકાતા નાઈટ રાઇડર્સ (KKR) સામે હારનો સામનો કરવો પડ્યો હતો. બીજી તરફ, દિલ્હી પણ 2020 IPL સીઝનની ફાઇનલમાં પહોંચ્યું હતું, જ્યાં તેને મુંબઈ ઇન્ડિયન્સ (MI) સામે હારનો સામનો કરવો પડ્યો હતો.
IPLમાં દિલ્હી કેપિટલ્સ અને પંજાબ કિંગ્સ વચ્ચે અત્યાર સુધીમાં 34 મેચ રમાઈ છે. આ દરમિયાન પંજાબ કિંગ્સે 17 મેચ અને દિલ્હી કેપિટલ્સે 16 મેચ જીતી હતી. જ્યારે એક મેચ ડ્રો રહી હતી.
પંજાબ વિરુદ્ધ દિલ્હી
કુલ IPL મેચ: ૩૪
પંજાબ જીત્યું: ૧૭
દિલ્હી જીત્યું: ૧૬
કોઈ પરિણામ નથી: ૧
