Last Update :
04 May 2025
IPL 2025ની પહેલી મેચ ધર્મશાળામાં રમાશે. પંજાબ કિંગ્સ (PBKS) અને લખનૌ સુપર જાયન્ટ્સ (LSG) ની ટીમો આજે એટલે કે 4 મેના રોજ ધર્મશાળામાં એકબીજા સામે ટકરાશે. આ મેચમાં બંને ટીમો વચ્ચે જોરદાર મુકાબલો થવાની અપેક્ષા છે. PBKSની ટીમ 10 મેચમાં 13 પોઈન્ટ સાથે પોઈન્ટ્સ ટેબલમાં ચોથા સ્થાને છે. તે જ સમયે, LSGની ટીમ 10 પોઈન્ટ સાથે ટેબલમાં છઠ્ઠા સ્થાને છે. LSG એ અત્યાર સુધી રમાયેલી 10 મેચોમાં 5 જીત અને 5 હારનો સામનો કરવો પડ્યો છે. હવે એ જોવું રસપ્રદ રહેશે કે ધર્મશાળામાં કઈ ટીમ જીતવામાં સફળ થાય છે.
GSTVની એપ્લિકેશન ડાઉનલોડ કરો
મેચ ડિટેલ્સ
- તારીખ: 4 મે, 2025
- સમય: સાંજે 7:30 વાગ્યે
- ટોસ: સાંજે 7:00 વાગ્યે
- વેન્યુ: હિમાચલ પ્રદેશ ક્રિકેટ એસોસિએશન સ્ટેડિયમ, ધર્મશાલા
- ક્યાં જોવું: સ્ટાર સ્પોર્ટ્સ નેટવર્ક
- લાઈવ સ્ટ્રીમિંગ: જિયો હોટસ્ટાર
ધર્મશાલાનો પિચ રિપોર્ટ
ધર્મશાલા IPL 2025માં તેની પહેલી મેચનું આયોજન કરવા માટે તૈયાર છે. અહીંની પિચ ઉછાળા અને ગતિ માટે જાણીતી છે. ધર્મશાલાનું HPCA સ્ટેડિયમ સામાન્ય રીતે શરૂઆતની ઓવરોમાં પેસર્સને થોડી સ્વિંગ આપે છે પરંતુ તે એક હાઈ સ્કોરિંગ ગ્રાઉન્ડ રહ્યું છે. ખાસ કરીને સાંજની મેચોમાં મોટા સ્કોર જોવા મળે છે. ટૂંકી બાઉન્ડ્રીને કારણે, આ મેદાનમાં રનનો વરસાદ થવાની ધારણા છે. અહીં પ્રથમ બેટિંગ કરતી ટીમ માટે 200 પ્લસ રન બનાવવા સામાન્ય છે. અહીં અત્યાર સુધી રમાયેલી 13 IPL મેચોમાં, પહેલા બેટિંગ કરનારી ટીમ 8 વખત જીતી છે જ્યારે ટાર્ગેટ ચેઝ કરતી ટીમ 5 વખત જીતી છે.
હેડ ટૂ હેડ રેકોર્ડ
- કુલ મેચ - 5
- પંજાબ જીત્યું - 3 મેચ
- લખનૌ જીત્યું - 2 મેચ
હવામાન કેવું રહેશે?
ટોસ પહેલા ગાજવીજ સાથે હળવો વરસાદ પડવાની શક્યતા છે, પરંતુ મેચ શરૂ થાય ત્યાં સુધીમાં વરસાદ બંધ થઈ જવાની ધારણા છે. તાપમાન 18-19 ડિગ્રી સેલ્સિયસની આસપાસ રહેશે. ધર્મશાલામાં આકાશ વાદળછાયું રહેવાની ધારણા છે. જોકે, મેચ દરમિયાન વરસાદની શક્યતા બહુ ઓછી છે. છતાં, ટોસ મહત્ત્વપૂર્ણ ભૂમિકા ભજવશે.
બંને ટીમોની સંભવિત પ્લેઈંગ ઈલેવન
PBKS: પ્રિયાંશ આર્ય, પ્રભસિમરન સિંહ, શ્રેયસ અય્યર (કેપ્ટન), નેહલ વડેરા, શશાંક સિંહ, જોશ ઈંગ્લિસ (વિકેટકીપર), સૂર્યાંશ શેડગે, માર્કો યાન્સન, અઝમતુલ્લા ઓમરઝાઈ, હરપ્રીત બ્રાર, અર્શદીપ સિંહ.
LSG: એડન માર્કરામ, મિચેલ માર્શ, નિકોલસ પૂરન, રિષભ પંત (કેપ્ટન/વિકેટકીપર), આયુષ બદોની, ડેવિડ મિલર, અબ્દુલ સમદ, રવિ બિશ્નોઈ, આવેશ ખાન, શાર્દુલ ઠાકુર, દિગ્વેશ રાઠી.
