પાકિસ્તાન સાથે POK ખાલી કરવા મુદ્દે વાતચીત થશે, ત્રીજા દેશની દખલગીરી મંજૂર નહીંઃ ભારતની સખ્ત ચેતવણી

ગુરુવારે સાપ્તાહિક બ્રીફિંગમાં વિદેશ મંત્રાલયે સર્વપક્ષીય પ્રતિનિધિમંડળના પ્રસ્થાન સહિત તમામ મુદ્દાઓ પર માહિતી આપી. વિદેશ મંત્રાલયના પ્રવક્તા રણધીર જયસ્વાલે કહ્યું કે, આપણે આતંકવાદ સામે લડવાના આપણા સંકલ્પને વિશ્વ સમક્ષ રજૂ કરી રહ્યા છીએ. અમે ઇચ્છીએ છીએ કે વિશ્વ આતંકવાદ સામે તેના તમામ સ્વરૂપો અને અભિવ્યક્તિઓ સામે લડવા માટે એક સાથે આવે. અમે વિશ્વને સરહદ પારના આતંકવાદ માટે જવાબદાર લોકોને જવાબદાર ઠેરવવા વિનંતી કરવા માંગીએ છીએ. 

GSTVની એપ્લિકેશન ડાઉનલોડ કરો

   

પાકિસ્તાન છેલ્લા 40 વર્ષથી ભારત વિરુદ્ધ આતંકવાદ ચલાવી રહ્યું છે. તેના કાર્યોનો પર્દાફાશ થવો જોઈએ. ભારત સામે થયેલા આતંકવાદી હુમલાઓ માટે તેને જવાબદાર ઠેરવવો જ જોઇએ. તેથી સાત પ્રતિનિધિમંડળોની રચના કરવામાં આવી છે. ત્રણ પ્રતિનિધિમંડળો રવાના થઈ ગયા છે. આ એક રાજકીય મિશન છે.

ભારતે પાકિસ્તાનને કડક ચેતવણી આપતા કહ્યું છે કે, જો તે PoK (પાકિસ્તાન અધિકૃત કાશ્મીર) ખાલી કરશે તો જ તે તેની સાથે વાતચીત કરવામાં આવશે. ભારત અને પાકિસ્તાન વચ્ચે કોઈપણ ત્રીજા દેશની દખલગીરી સહન નહીં કરે. વિદેશ મંત્રાલયના પ્રવક્તા રણધીર જયસ્વાલે સ્પષ્ટપણે કહ્યું કે આતંકવાદ માટે પાકિસ્તાનને જવાબદાર ઠેરવવું જરૂરી છે. વેપાર અને વાતો એકસાથે ન થઈ શકે, લોહી અને પાણી એકસાથે વહેશે નહીં.

'સિંધુ જળ સંધિ હાલ સ્થગિત રહેશે'

વિદેશ મંત્રાલયના પ્રવક્તા રણધીર જયસ્વાલે કહ્યું કે મેં મારી પાછલી બ્રીફિંગમાં આ મુદ્દા વિશે વાત કરી હતી. મારી પાસે કહેવા માટે વધુ કંઈ નથી. તેમણે કહ્યું, "તમે અમારી સ્થિતિથી વાકેફ છો કે ભારત અને પાકિસ્તાન વચ્ચે કોઈપણ વાતચીત દ્વિપક્ષીય હોવી જોઈએ. હું તમને એ પણ યાદ અપાવવા માંગુ છું કે દ્વિપક્ષીય વાતચીત અને આતંકવાદ એકસાથે ચલાવી નહીં લેવાય. આતંકવાદ મામલે અમે તે કુખ્યાત આતંકવાદીઓને ભારતને સોંપવા અંગે ચર્ચા કરવા તૈયાર છીએ જેનું લીસ્ટ થોડા વર્ષો પહેલા પાકિસ્તાનને આપ્યું હતું. 

 સિંધુ જળ સંધિ અંગે કહ્યું કે, જ્યાં સુધી પાકિસ્તાન સીમા પાર આતંકવાદને ટેકો આપવાનું બંધ નહીં કરે ત્યાં સુધી સ્થગિત રહેશે. આપણા પીએમે કહ્યું તેમ"પાણી અને લોહી એકસાથે વહી શકતા નથી."

બહુપક્ષીય પ્રતિનિધિમંડળ વિશે રણધીર જયસ્વાલે કહ્યું, "સાત પ્રતિનિધિમંડળો છે, ત્રણ પ્રતિનિધિમંડળો રવાના થયા છે. આ એક રાજકીય મિશન છે. અમે આતંકવાદ સામે લડવાના અમારા સંકલ્પને વ્યક્ત કરવા માટે વિશ્વ સુધી મજબૂત પહોંચ બનાવવા માંગીએ છીએ. અમે ઇચ્છીએ છીએ કે વિશ્વ આતંકવાદ સામે તેના તમામ સ્વરૂપો અને અભિવ્યક્તિઓ સામે લડવા માટે એક સાથે આવે. અમે વિશ્વને સરહદ પાર આતંકવાદ માટે જવાબદાર લોકોને જવાબદાર ઠેરવવા વિનંતી કરવા માંગીએ છીએ.